Пра гэта паведамляе праўладная «Мінская праўда» са спасылкай на кіраўніка ЦВК Беларусі Ігара Карпенку.
Ён заявіў, што папярэдне падпісаньне новай рэдакцыі адбудзецца ў лютым-сакавіку, а зь лета ЦВК уступіць у актыўную фазу падрыхтоўкі да адзінага дня галасаваньня.
Да зьменаў у выбарчым заканадаўстве прывяла абноўленая ў 2022 годзе Канстытуцыя.
Згодна з новай Канстытуцыяй, акрамя парлямэнту, у 2024 годзе будзе сфармаваны «ўсебеларускі народны сход» (УНС), які раней ня меў статус канстытуцыйнага органа. Перад яго фармаваньнем у Беларусі пройдуць выбары ў Нацыянальны сход і мясцовыя саветы.
Упершыню ў гісторыі гэтыя выбары адбудуцца адначасова, у адзіны дзень галасаваньня 25 лютага 2024 году.
На пачатку кастрычніка 2021 году Нацыянальны сход прыняў закон «Аб зьмяненьні Канстытуцыі Рэспублікі Беларусь», які скасоўваў мясцовыя выбары ў 2022-м. У выніку яны перанесьліся на 2023 год.
У ліпені 2022 году іх перанесьлі яшчэ на год, як і выбары Палаты прадстаўнікоў, якія паводле графіку меліся прайсьці ў 2023 годзе. Цяперашняя Палата прадстаўнікоў была фармальна выбраная ў 2019 годзе.
