1 сьнежня, як паведамляе BPN, чыноўнік узяў удзел у онлайн-дыскусіі аб устойлівасьці беларускай грамадзянскай супольнасьці, арганізаванай офісам дэмакратычнага лідэра Сьвятланы Ціханоўскай і Оксфардзкай абсэрваторыяй па Беларусі.
Паводле Вілемса, у ЭЗ лічаць важным «інвэставаць у людзей, каб стварыць стабільную грамадзянскую супольнасьць», а таксама «падтрымліваць незалежныя СМІ».
Прадстаўнік Эўракамісіі зазначыў, што ў 2021 годзе падтрымка беларускай грамадзянскай супольнасьці была павялічана. Разам з тым «ёсьць жаданьне аказваць больш устойлівую падтрымку арганізацыям і людзям, каб яны працягвалі сваю дзейнасьць».
Ён таксама падкрэсьліў важнасьць падтрымкі розных сэктараў, у тым ліку бізнэсу ў выгнаньні, культуры і разьвіцьця беларускай нацыянальнай ідэнтычнасьці, адукацыі.
