Пра гэта паведамляецца ў сацсетках Нобэлеўскага камітэту.
«Нобэлеўская прэмія ў хіміі 2022 году заклікана спрасьціць складаныя працэсы. Клік-хімія і біяортаганальныя рэакцыі перанесьлі хімію ў эпоху функцыяналізму. Клік-хімія выкарыстоўваецца пры распрацоўцы фармацэўтычных прэпаратаў, для картаваньня ДНК і стварэньня матэрыялаў, больш прыдатных для гэтай мэты. Дасьледнікі палепшылі таргетынг супрацьракавых прэпаратаў», — сказана ў паведамленьні аб прэміі.
У 2021 годзе ляўрэатамі Нобэлеўскай прэміі ў хіміі сталі Бэнджамін Ліст і Дэвід Макмілан. Прэмію прысудзілі за разьвіцьцё асымэтрычнага органакаталізу.
Шостага кастрычніка аб’явяць ляўрэата Нобэлеўскай прэміі па літаратуры.
Ляўрэата прэміі міру абʼявяць у Осла 7 кастрычніка. Прэмію ў эканамічных навуках памяці Альфрэда Нобэля, заснаваную з 1969 году Банкам Швэцыі, прысудзяць 10 кастрычніка. Прызавы фонд за кожную намінацыю складзе дзесяць мільёнаў швэдзкіх крон (каля $900 тысяч).
