Паводле ацэнак Эўракамісіі, эмбарга закране чвэрць усяго расейскага экспарту вугалю на суму 8 мільярдаў эўра за год. ЭЗ замяняе расейскія пастаўкі на вугаль з Паўночнай Амэрыкі, Аўстраліі, Калюмбіі, Паўднёва-Афрыканскай Рэспублікі і Казахстану.
Пасьля таго як Эўразьвяз анансаваў забарону на пастаўкі расейскага вугалю, Масква перанакіравала экспартныя плыні, у прыватнасьці, у Індыю і Турэччыну. Пры гэтым Расея мусіць прадаваць вугаль з дысконтам да 50 працэнтаў. Гэта ў значнай меры кампэнсуецца сусьветным ростам цэнаў на паліва.
- Да канца году эўрапейскія краіны плянуюць часткова адмовіцца ад паставак расейскай нафты. Выключэньне прадугледжана для імпарту сырой нафты праз трубаправод.
- ЗША забаранілі імпарт газу, нафты і вугалю з Расеі на пачатку сакавіка.
