«Адпаведныя лісты ўжо накіравалі на адрасы выканаўчых камітэтаў гэтых гарадоў», — паведаміў Аляксандар Сянкевіч у сваім тэлеграм-канале.
Паводле яго, ня можа быць ніякай супрацы з краінай, якая ня проста падтрымлівае расейскую вайну супраць Украіны, а і надае сваю тэрыторыю для расейскай вайсковай тэхнікі і абстрэлаў украінскіх гарадоў балістычнымі і крылатымі ракетамі.
«З тымі, хто стварыў вакол сябе злачынны аўтарытарны сьвет, нам не па дарозе. Мы занадта цэнім сваю свабоду і ўжо восем гадоў плацім за яе найвышэйшую цану», — дадаў мэр Мікалаева.
Аляксандар Сянкевіч лічыць, што супраца адновіцца ў будучыні, і асобна зьвярнуўся да беларускага народу.
«Беларускі народ, ты абавязкова здабудзеш сваю незалежнасьць! Твой час надыдзе, і мы пабудуем новыя партнэрскія дачыненьні», — напісаў мэр Мікалаева.
Мэр Мікалаева Аляксандар Сянкевіч лабіраваў набыцьцё беларускага пасажырскага аўтатранспарту за кошт эўрапейскіх крэдытаў. Пасьля скасаваньня ў 2021 годзе вынікаў тэндэру, у якім перамаглі беларускія аўтобусы, гарадзкія ўлады абвясьцілі паўторны конкурс, і ў ім таксама перамог пастаўшчык беларускага транспарту. Але Эўрапейскі інвэстыцыйны банк, які фінансуе абнаўленьне гарадзкога транспарту, не пасьпеў абвясьціць канчатковыя вынікі.
