Канкрэтную пазыцыю ВНУ аўтары рэйтынгу ацэньваюць паводле такіх крытэрыяў, як якасьць адукацыі, запатрабаванасьць выпускнікоў на рынку працы, узровень навукова-выкладчыцкага складу і навукова-дасьледчай дзейнасьці — апошняе ўключае колькасьць і якасьць навуковых публікацый, іх зьяўленьне ў аўтарытэтных часопісах і цытаванасьць.
Мінулы раз БДУ займаў 781 пазыцыю з агульнай ацэнкай 71,7 бала, а ў гэтым набраў 71,5 бала. Яшчэ год таму ён быў на 798 месцы з вынікам 71,6 бала, піша dev.by.
Апроч БДУ, сёлета ў рэйтынгу прысутнічае Інстытут фізыкі ім. Б. І. Сьцяпанава НАН Беларусі — ён на 1308 месцы.
У першую дзясятку рэйтынгу лепшых ВНУ сьвету трапілі Гарвардзкі ўнівэрсытэт, Масачусэцкі тэхналягічны інстытут, брытанскія Кембрыдж і Оксфард, Прынстанскі, Чыкагаўскі, Калюмбійскі і Пэнсыльванскі ўнівэрсытэты, а таксама Каліфарнійскі тэхналягічны інстытут.
Сярод расейскіх ВНУ ў лідэрах Маскоўскі дзяржаўны ўнівэрсытэт імя М. В. Ламаносава — ён за год страціў 8 пазыцый і заняў 202 месца.
