Хроніка перасьледу 24 верасьня: жыхара Баранавічаў асудзілі на 2 гады калёніі за камэнтары ў «Аднаклясьніках»

Гамельчука затрымалі за распальваньне сацыяльнай варожасьці

У Гомлі затрымалі 51-гадовага мужчыну, які працаваў вартаўніком. Яго падазраюць у распальваньні сацыяльнай варожасьці.

Паводле МУС, ён у тэлеграм-каналах з восені 2019 году публікаваў абразы на адрас сілавікоў, судзьдзяў, сябраў выбарчых камісій, заклікаў публікаваць іхныя дадзеныя, паведаміла «Вясна».

ГЛЯДЗІЦЕ ТАКСАМА:

За перасылку паведамленьня Tut.by у прыватнай перапісцы ўпершыню пакаралі арыштам

Жыхара Баранавічаў зьняволілі на 2 гады за камэнтары ў «Аднаклясьніках»

За камэнтары пад фота прадстаўніка ўлады і супрацоўніка органаў 41-гадовага Ігара Пятрана асудзілі на 2 гады калёніі агульнага рэжыму.

Яго абвінавацілі ў абразе прадстаўніка ўлады (арт. 369 КК) і гвалце ці пагрозе гвалтам супрацоўніку органаў унутраных спраў (арт. 364 КК).

Вырак агучыла судзьдзя Юліяна Шчэрба, паведаміла «Вясна-Брэст».

У Бабруйску раніца пачалася зь ператрусаў у актывістаў

«Вясна» і «Бобруйск Online» паведамілі пра ператрусы ў

• Валянціна Варычава,
• Ксеніі Емяльяненкі,
• Юліі Загрышавай,
• Дзьмітрыя Косьціна,
• Яўгеніі Міронавай,
• Андрэя Сініцы.

ГЛЯДЗІЦЕ ТАКСАМА:

З раніцы зь ператрусамі прыйшлі да актывістаў у Бабруйску

ГЛЯДЗІЦЕ ТАКСАМА:

Вярхоўны суд ліквідаваў ЗБС «Бацькаўшчына»