Глядзіце ў панядзелак і суботу фільм, празь які ў Расеі спрабавалі сёлета сарваць фэстываль дакумэнтальнага кіно «Атдокфест». Сюжэт: 28-гадовы Павал пераехаў з Крыму ва ўкраінскае сяло пасьля анэксіі паўвострава. Але яму нялёгка інтэгравацца ў новае грамадзтва. Лягчэй быць аднаму. Паказ фільм на фэстывалі спрабавалі сарваць праз тое, што актывістам арганізацыі SERB не спадабаліся словы «анэксаваны Крым». «Дарога Дадому». Рэжысэр: Арцём Лобач. Беларусь, 2020
Фільм будзе даступны на сайце на працягу 7 дзён пасьля эфіру.
Глядзіце ў аўторак. Дакумэнталіст Максім Швед са сваёй камандай усталяваў камэры ў машынах двух таксістаў, Паўла і Ганны. За месяц да выбараў прэзыдэнта Беларусі іх пасажыры захоплена абмяркоўваюць сытуацыю ў краіне. Адны лічаць, што Беларусь — гэта востраў стабільнасьці, іншыя — усім сэрцам за перамены. «Маршрут перабудаваны». Рэжысэр: Максім Швед. Беларусь, 2020
Яшчэ адна карціна — аб прэзыдэнцкіх выбарах у Беларусі ў 2020 годзе. Адных кандыдатаў арыштавалі, іншыя пакінулі краіну. У выніку адзіным канкурэнтам дзейнага прэзыдэнта стала хатняя гаспадыня Сьвятлана Ціханоўская. Гэты фільм пра яе. «Я — Сьвятлана Ціханоўская». Рэжысэр: Алесь Лапо. Беларусь, 2020
У сераду вы ўбачыце, як адзінаццаць зьняволеных жаночай папраўчай калёніі пад кіраўніцтвам прафэсійнага рэжысэра ставяць спэктакль. Камэра ідзе за імі ўсюды — на спатканьні са сваякамі, на рэпэтыцыі і па дарозе назад у камэру. «Дэбют». Рэжысэр: Анастасія Мірашнічэнка. Беларусь, 2017
На працягу 6 гадоў нобэлеўскі ляўрэат Сьвятлана Алексіевіч праводзіла дасьледаваньне для яе кнігі пра каханьне. Глядзіце ў чацьвер фільм, у якім мужчыны і жанчыны розных узростаў разам зь пісьменьніцай разважаюць пра гэтае пачуцьцё. «Каханьне». Рэжысэр: Стэфан Хулен. Швэцыя-Беларусь, 2018
У пятніцу глядзіце ўсе выпускі праграмы «Невядомая Беларусь». Трое аўтараў цыклю загінулі ў траўні 2020 году. Вы ўбачыце чатыры фільма, якія яны пасьпелі зрабіць самі. І адзін, завершаны пасьмяротна.
У нядзелю глядзіце фільм пра былога настаўніка ангельскай з маленькага беларускага мястэчка. Ён раскідвае рэклямныя ўлёткі па паштовых скрынях, спрабуе скончыць рамонт. Але жыцьцё яго сям’і мяняе лятарэйны білет. «Заўтра». Рэжысэр: Юлія Шатун. Беларусь, 2017
Фільм будзе даступны на сайце на працягу 3 дзён пасьля эфіру.
