Такім чынам, Юлія Слуцкая, яе сын Пётра, Ала Шарко, Сяргей Альшэўскі і Ксенія Луцкіна прабудуць за кратамі сама меней да 23 чэрвеня, паведамляе Беларуская асацыяцыя журналістаў (БАЖ). Яны ўжо чатыры месяцы ў СІЗА і застануцца там як мінімум да 23 чэрвеня.
«Вынікаў падатковай праверкі няма. Нібыта шкода, якую налічылі яшчэ ў самым пачатку, даўно пагашаная намі, сваякамі. Сьледчых дзеяньняў з мамай, братам, Алай і Сяргеем не вядзецца. Яны проста сядзяць. Халодная, чорная і страшная ноч пакуль працягваецца», — сказала Аляксандра, дачка Юліі Слуцкай.
БАЖ салідарны з калегамі і патрабуе неадкладнага вызваленьня ўсіх затрыманых у справе «Прэс-клюбу».
Юлію Слуцкая і яе калегаў затрымалі ў канцы мінулага году, ім інкрымінуецца нясплата падаткаў у асабліва буйным памеры. Хоць выстаўленыя сумы сваякі абвінавачаных сплацілі ў поўным памеры, гэта не паўплывала на ход справы.
