Зьявілася фота праекту рэзалюцыі Ўсебеларускага сходу
Акцыі пратэсту супраць ініцыяванага Лукашэнкам сходу праходзяць у Беларусі і за мяжой
У праекце рэзалюцыі сходу напісалі пра рэформу Канстытуцыі
Агенцтва ТАСС піша са спасылкай на праект рэзалюцыі Ўсебеларускага сходу, што прапануюць ухваліць прапанову па стварэньні канстытуцыйнай камісіі, у склад якой увойдуць прадстаўнікі дзяржаўных органаў, юрыдычнай грамадзкасьці, розных галін эканомікі і сацыяльнай сфэры.
«Гэтай камісіі ў 2021 годзе распрацаваць прапановы па зьмене Канстытуцыі Рэспублікі Беларусь для іх наступнага вынясеньня на ўсенароднае абмеркаваньне і рэспубліканскі рэфэрэндум», – цытуе агенцтва.
Больш пра тэкст праекту рэзалюцыі чытаць тут.
Пікет у Менску: «УНС – падман народу»
Кіраўнік кабінэту Ціханоўскай звярнуўся да дэлегатаў сходу
Валер Кавалеўскі зьвярнуўся да дзяржаўных служачых і дэлегатаў, якіх прымушаюць браць удзел ва Ўсебеларускім народным сходзе.
Пратэст у Менску ў доме ля трасы, якою езьдзіць Лукашэнка ў сваю рэзыдэнцыю
Страйкам «Беларуськалія» выказаў нязгоду са сходам, які ініцыятываў Лукашэнка
Лукашэнка моцна закашляўся падчас выступу на сходзе
Тут можна пачытаць, што ён сказаў.
Сьпеўная акцыя ў цэнтры Менску
У Салігорску затрымалі шахтара Юрыя Корзуна
У верасьні ён прыкаваў сябе да горназдабыўной абсталяваньня на знак пратэсту супраць фальшывых выбараў і глвалту. Пра гэта паведамляе страйкам «Беларуськалія»: «Выйшаў грэць машыну, каб адвезьці дзіця ў школу, і не вярнуўся».
Лукашэнка заявіў, што цягам году праект Канстытуцыі будзе гатовы, у пачатку наступнага — рэфэрэндум
Дэтальна чытаць тут.
Лукашэнка скончыў свой выступ словамі «любімую не аддаюць»
У працы сходу перапынак да 16.15. Лукашэнка вяшчаў амаль чатыры гадзіны без прыпынку, толькі адзін раз закашляўся, а скончыў свой выступ словамі «любімую не аддаюць».
Што ён сказаў, чытаць тут.
Герасіменя — Лукашэнку: «Беларускі народ вас ненавідзіць»
Кіраўніца Беларускага фонду спартовай салідарнасьці Аляксандра Герасіменя напісала напісала адкрыты ліст да Аляксандра Лукашэнкі.
Яна адзначыла, што 9 лютага споўнілася паўгода з моманту прэзыдэнцкіх выбараў у Беларусі, якія Лукашэнка прайграў, але «не знайшоў у сабе сілы і адвагі прызнаць паразу і сысьці з годнасьцю».
За гэтыя шэсьць месяцаў, па словах Герасімені, беларусы прайшлі разгоны сьветлашумавымі гранатамі, расстрэлы гумовымі і баявымі кулямі, катаваньні, бясьсьледныя зьнікненьні пратэстоўцаў, забойствы дэманстрантаў.
«Апошнія паўгода наш беларускі народ адольвае свой маратон — маратон барацьбы з гвалтам, катаваньнямі, зьнявагай і сьмерцямі. І мне як ніколі балюча глядзець на тое, як за праявы грамадзянскай пазыцыі людзей пазбаўляюць права голасу, свабоды, а часам і жыцьця. Ва ўсяго гэтага агульнанацыянальнага кашмару ёсьць назва — гэта вы, Аляксандр Лукашэнка».
Поўны тэкст ліста чытаць тут.
У турме на Акрэсьціна ў Менску пачалі прымаць перадачы, упершыню з новага году
У турме ў Жодзіна, дзе знаходзіцца шмат палітвязьняў, прыём перадач абяцаюць аднавіць з 17 лютага.
У міліцыю зноў паведамілі мінаваньні будынкаў у Менску
Сёньня на працягу дня ў міліцыю паступіла некалькі паведамленьняў аб мінаваньні будынкаў у Менску, паведамляе сталічная міліцыя. Якіх канкрэтна будынкаў, у ведамстве не ўдакладнілі, паведамілі толькі, што ва ўсіх месцах, указаных у паведамленьні, працуюць супрацоўнікі міліцыі і сапёрна-піратэхнічныя групы. Тэлеграм-канал @belamova паведамляе, што сапёрна-піратэхнічную групу бачылі ў ГЦ Galileo.
Ланцуг салідарнасьці на Лагойскім тракце ў Менску
Пікет у Менску ў раёне камвольнага камбінату
Ініцыятыўныя групы беларускіх студэнтаў выступілі з заявай аб непрызнаньні УНС
«Мы, аб’яднаныя студэнцкія суполкі 15 унівэрсытэтаў Беларусі, заяўляем, што УНС не прадстаўляе інтарэсы грамадзтва ў цэлым і студэнцтва ў прыватнасьці, таксама як і не зьяўляецца рэальнай дыялёгавай пляцоўкай. Усе „дэлегаты“, дэкляраваныя як прадстаўнікі студэнцтва і моладзі, зьяўляюцца ня больш, чым статыстамі», — гаворыцца ў заяве.
Студэнты перакананыя, што тых, хто рэальна мог бы прадстаўляць студэнцтва, цяпер перасьледуюць, бо «ўлада баіцца гаварыць зь беларускай моладзьдзю». У сваёй заяве яны патрабуюць:
- Вызваліць усіх палітвязьняў.
- Спыніць перасьлед тых, хто знаходзіцца ў выгнаньні.
- Запрасіць за стол перамоваў прадстаўнікоў Каардынацыйнай рады, Офіса Ціханоўскай, «Сходу», незалежных прафсаюзаў і Студэнцкай ініцыятыўнай групы.
Усім дэлегатам Усебеларускага сходу зрабілі тэсты на каранавірус, хворых не пусьцілі
Дэпутатка Менгарсавету Вольга Цесакова паведаміла, што за некалькі дзён да Ўсебеларускага народнага сходу ўсім дэлегатам зрабілі тэсты на каранавірус. Напярэдадні атрымалі вынікі, і хворых у залю не пусьцілі.
«Менавіта гэтым, думаю, тлумачыцца тое, што людзей у масках у залі амаль няма. Усе адчуваюць расслабленасьць. Плюс працуюць кандыцыянэры, памяшканьне праветрываецца. Пры гэтым досыць холадна: многія пачалі кашляць і чхаць. Прынамсі мае суседзі», — расказала яна ў камэнтары для «Нашай Нівы».
Сход аднавіўся, выступаюць дэлегаты
Іх выступы доўжацца па некалькі хвілін, выступаюць у асноўным прадстаўнікі прамысловасьці, будаўніцтва і сельскай гаспадаркі. Яны гавораць пра вытворчыя посьпехі і просяць дапамогі ад дзяржавы, аб чым зьвяртаюцца непасрэдна да Лукашэнкі, які сядзіць у прэзыдыюме.
