Як паведамляе Праваабарончы цэнтар «Вясна», новымі палітвязьнямі прызнаныя:
- Аляксандар Бабіч (асуджаны на тры з паловай гады пазбаўленьня волі па арт. 363 КК)
- Міхаіл Шабалюк (асуджаны на тры гады пазбаўленьня волі па арт. 363 КК )
- Аляксандар Французаў (асуджаны на чатыры гады пазбаўленьня волі па арт. 364 КК)
- Яўген Петрачэнка (асуджаны на тры з паловай гады пазбаўленьня волі па арт. 364 КК)
- Ільля Лабацэвіч (асуджаны на паўтара года пазбаўленьня волі па арт. 364 КК)
- Алег Яфрэменка (асуджаны на чатыры з паловай гады пазбаўленьня волі па арт.364 КК)
- Дзьмітрый Кулакоў (асуджаны на тры з паловай гады абмежаваньня волі з накіраваньнем ва ўстанову адкрытага тыпу па арт. 364 і 369 КК)
- Уладзіслаў Макавецкі (асуджаны на два гады пазбаўленьня волі па арт. 364 КК)
- Аляксандар Кірыленка (асуджаны на два гады пазбаўленьня волі па арт. 364 КК)
- Ягор Храменя (асуджаны на два гады пазбаўленьня волі па арт. 364 КК)
- Уладзімер Шустаў (асуджаны на тры гады пазбаўленьня волі па арт. 364 КК)
- Антон Лакішык (асуджаны на тры гады пазбаўленьня волі па арт. 364 КК)
- Павал Манкіненка (асуджаны на чатыры гады пазбаўленьня волі па арт. 364 КК)
- Арцём Такарчук (асуджаны на тры гады пазбаўленьня волі па арт. 364 КК)
- Яўген Чарвінскі (асуджаны на два з паловай гады пазбаўленьня волі па арт. 364 КК)
- Ільля Фрэнь (асуджаны на чатыры гады пазбаўленьня волі па арт. 364 КК)
- Ільля Туркоў (асуджаны на чатыры гады пазбаўленьня волі па арт. 364 і 342 КК)
- Глеб Гатоўка (асуджаны на чатыры гады пазбаўленьня волі па арт. 363, 364, 342, 435 КК)
- Анатоль Хіневіч (асуджаны на два з паловай гады пазбаўленьня волі па арт. 364 КК)
- Віктар Акцістаў (асуджаны на два з паловай гады пазбаўленьня волі па арт. 364 КК)
- Дзьмітрый Галко (асуджаны на тры гады пазбаўленьня волі па арт. 364 КК)
- Аляксандар Захарэвіч (асуджаны на два гады пазбаўленьня волі па арт. 364 КК)
- Андрэй Караленя (асуджаны на два гады пазбаўленьня волі па арт. 363 КК)
- Арцём Паўлечка (асуджаны на тры гады пазбаўленьня волі па арт. 364, 342 КК)
- Яўген Каліноўскі (асуджаны на чатыры гады пазбаўленьня волі па арт. 364, 342 КК)
- Сяргей Рымша (асуджаны на тры з паловай гады пазбаўленьня волі па арт. 364, 342 КК)
- Вітольд Ашурак (асуджаны на пяць гадоў пазбаўленьня волі па арт. 342, 364 КК)
- Раман Караневіч (асуджаны на тры гады пазбаўленьня волі па арт. 364 КК)
- Алег Фамін (асуджаны на два з паловай гады пазбаўленьня волі па арт. 364 КК)
- Аляксандар Губейка (асуджаны на два гады пазбаўленьня волі па арт. 364 КК)
- Віктар Барушка (асуджаны на пяць гадоў пазбаўленьня волі па п.5 ч. 2 арт. 147 КК)
Праваабаронцы патрабуюць для гэтых палітычных зьняволеных неадкладнага перагляду прынятых у дачыненьні да іх захадаў і судовых рашэньняў пры выкананьні права на справядлівы судовы разбор, а таксама вызваленьня іх з-пад варты з прымяненьнем іншых захадаў, якія забясьпечваюць яўку ў суд.
Праваабаронцы пацьвердзілі сваю пазыцыю, выкладзеную ў супольнай заяве ад 16 студзеня 2021 г. Паводле яе, мірныя сходы грамадзян павінны знаходзіцца пад абаронай дзяржавы і міліцыя не павінна прадпрымаць дзеяньні па гвалтоўным іх спыненьні, нават калі яны адбываюцца ў парушэньне працэдур іх арганізацыі і правядзеньня. Згодна з Кіраўніцтвам па вызначэньні паняцьця «палітычны зьняволены», гвалт, які быў справакаваны зыходным непрапарцыйным выкарыстаньнем фізычнай сілы, спэцсродкаў і калі ў дзеяньнях абвінавачанага адсутнічаў намер на нанясеньне несымбалічнай матэрыяльнай шкоды або шкоды каму-небудзь, дае падставы разглядаць гэтых асобаў у якасьці палітычных зьняволеных.
«Маніторынг судовых паседжаньняў паказаў, што суды выносяць непрапарцыйна жорсткія прысуды ў параўнаньні з прысудамі, якія выносіліся па такіх самых катэгорыях спраў па-за палітычным кантэкстам. Напрыклад, за 8 месяцаў 2019 году ў Менску суды разгледзелі 13 крымінальных спраў аб аказаньні супраціву міліцыянтам і ўжываньні ў дачыненьні да іх фізычнай сілы. Тром падсудным прызначылі пакараньне ў выглядзе арышту, іншым — абмежаваньне волі без накіраваньня ў папраўчую ўстанову адкрытага тыпу.
У шэрагу выпадкаў судовыя паседжаньні пасьля выбараў 9 жніўня па такіх артыкулах праводзіліся ў закрытым рэжыме, прычым такія захады не былі абумоўленыя неабходнасьцю абароны дзяржаўнай таямніцы ці інфармацыі асабістага характару ўдзельнікаў працэсу, непажаданай да публічнага распаўсюду.
У судах былі парушэньні прэзумпцыі невінаватасьці, роўнасьці перад судом і іншае. Усе гэтыя акалічнасьці даюць падставы сьцьвярджаць, што перасьлед указаных асобаў носіць палітычна матываваны характар, а самі асобы зьяўляюцца палітычнымі зьняволенымі», — заявілі праваабаронцы.
Агульны лік палітвязьняў на 27 студзеня складае 220 чалавек.
Заяву падпісалі:
- Праваабарончы цэнтар «Вясна»
- Беларускі дакумэнтацыйны цэнтар
- РПГА «Беларускі Хэльсынскі Камітэт»
- Беларуская асацыяцыя журналістаў
- Беларускі дом правоў чалавека імя Барыса Звозскава
- Цэнтар прававой трансфармацыі Lawtrend
- Кансультацыйны цэнтар па актуальных міжнародных практыках і іх імплемэнтацыі ў праве «Х'юман канстанта».
