Палітоляг Юры Васкрасенскі, якога выпусьцілі на падпіску пра нявыезд, арганізаваў круглы стол і выступіў з заявай па яго выніках.
«„Круглы стол дэмакратычных сіл“ выступае за правядзеньне амністыі для палітвязьняў. Мы зьвяртаемся да Ўсебеларускага народнага сходу з просьбай ініцыяваць перад Палатай прадстаўнікоў, Саветам Рэспублікі і прэзыдэнтам Рэспублікі Беларусь прыняцьце Закону аб амністыі, што, разам з зацьвярджэньнем зьмяненьняў і дапаўненьняў у Канстытуцыю Рэспублікі Беларусь, стане сымбалем перазагрузкі адносін улады і грамадзтва, абнаўленьня палітычнага і прававога поля краіны, важным і мужным крокам з боку ўлады да нармалізацыі грамадзка-палітычнай сытуацыі ў краіне», — гаворыцца ў заяве.
Тэрміны правядзеньня Ўсебеларускага народнага сходу ня вызначаныя. Амністыя, паводле беларускага заканадаўства, можа прымяняцца да ўжо асуджаных.
Праваабаронцы кажуць, што цяпер у турмах Беларусі 132 палітвязьні.
