Сьвятлана Ціханоўская ў Вене сустрэлася з кіраўніком ураду Аўстрыі Сэбастыянам Курцам.
Як паведамляе яе прэсавая служба, падчас сустрэчы ў фармаце тэт-а-тэт Сэбастыян Курц выказаў салідарнасьць зь беларускім народам.
Бакі абмеркавалі спосабы мірнага вырашэньня палітычнага і эканамічнага крызісу ў Беларусі і магчымую ролю Аўстрыі ў гэтым працэсе.
Сьвятлана Ціханоўская выказала падзяку канцлеру за цьвёрдую пазыцыю Аўстрыі ў пытаньнях непрызнаньня легітымнасьці Аляксандра Лукашэнкі і ўвядзеньня пэрсанальных санкцый супраць памагатых рэжыму, паведамляе яе прэсавая служба.
Пасьля сустрэчы Святлана Ціханоўская наведала месца нядаўняга тэракту ў Вене і ўсклала кветкі.
