19 верасьня ў Менску адбыўся традыцыйны жаночы марш салідарнасьці, які быў перарваны масавымі затрыманьнямі ўдзельніц.
Сярод тых, каго пасадзілі ў аўтазакі, — легендарная актывістка Ніна Багінская (пазьней яе адпусьцілі каля Савецкага РУУС), супрацоўніца амбасады Вялікай Брытаніі Іна Рамашэўская, кіраўніца кампаніі «Арт-карпарэйшн» і арганізатар фэстываляў «ТеАРТ» і «Лістапад» Анжаліка Крашэўская.
Паводле Праваабарончага цэнтру «Вясна», вядомыя прозьвішчы 356 затрыманых, сьпіс дапаўняецца.
Найбольш людзей схапілі каля гандлёвага цэнтру «Айсбэрг» на скрыжаваньні вуліц Коласа і Сурганава. Затрымлівалі супрацоўнікі АМАП і невядомыя людзі ў форме без апазнавальных знакаў і ў балаклавах.
