Першая намесьніца міністра адукацыі Ірына Старавойтава патлумачыла Tut.by, як будуць атэстоўваць дзяцей, якія вучацца дыстанцыйна.
Каранавірус у Беларусі і ў сьвеце. Як разьвіваюцца падзеі >>
- Дзеці могуць прыходзіць у школу ў суботу або пасьля заняткаў, каб настаўнік мог праверыць іх веды.
- Да тых, хто ня зможа прыйсьці ў суботу або пасьля заняткаў, падыход будзе індывідуальны. Усе дзеці будуць атэставаныя. Такія пытаньні будуць вырашацца на карысьць і ў інтарэсах вучняў.
- Калі ня будзе магчымасьці выставіць адзнакі за чацьвёртую чвэрць, тады адзнаку за год будуць выстаўляць па выніках сумы балаў за тры чвэрці, падзеленай на тры.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
