Зьміцер Бартосік пачынае падкаст-цыкль падарожжаў па былой Маладачанскай вобласьці. Яна ўзьнікла ў 1944 годзе і зьнікла ў 1960-ым. Але ад той вобласьці засталося некалькі папак з архіву абласнога суда.
Гэта крымінальныя справы і прысуды з грыфам «сакрэтна», якія праліваюць сьвятло на сапраўднае паваеннае жыцьцё Беларусі. І ня толькі паваеннай.
21 частка падкаст-сэрыялу ўжо цяпер даступная на нашым сайце. Вось тут.
Калі б не было гэтай вобласьці, не было б і гэтай забытай тэчкі з колішняга абласнога суду. Таямнічай тэчкі, якую выпадкова знайшоў у звычайным «несакрэтным» архіве гісторык Міхась Чарняўскі.
У гэтай тэчцы матэрыялы больш як сотні крымінальных судовых працэсаў ад пераможнага 1945-га па адліжны 1958-мы. Памятаеце радкі Высоцкага?
Сто лет бы мне не видеть этих строчек!
За каждой вижу чью-нибудь судьбу.
И радуюсь, когда статья — не очень:
Знать, всё же повезёт кому-нибудь!
Дык вось, у гэтай тэчцы няма тых, каму пашанцавала. Артыкулы спрэс сур’ёзныя. Антысавецкая агітацыя, бандытызм, контрарэвалюцыйная дзейнасьць.
За прамінулыя гады зьмяніліся межы раёнаў. А некаторыя раёны зьніклі цалкам. Шмат якія вёскі былі перайменаваныя. Але ў памяці старажылаў павінны заставацца ня толькі старыя назвы. Ці памятаюць людзі лёсы тых, чые імёны хавае забытая тэчка ўжо няіснага суду?
З сакрэтнай тэчкай пад пахай я еду па колішняй Маладачанскай вобласьці. І самая хутарская вобласьць ізноў праяўляецца на мапе краіны. З паўстаньнямі супраць калектывізацыі, з даносамі на заможных суседзяў, з антысавецкімі ўлёткамі, з допытамі ў МГБ, са збройным супрацівам, з рэлігійнай апантанасьцю, з выпадковымі ахвярамі. З усімі дэталямі жыцьця паваеннай Заходняй Беларусі.
Для паўнейшага пагружэньня ў эпоху мы будзем вандраваць пад беларускія песьні 40-х і 50-х гадоў. А таксама не абмінем увагай тагачасную абласную і раённую прэсу.
Што такое падкаст?
Падкаст — гэта радыё, але лепшае. Гэта аўдыё- або відэаперадача, якая публікуецца ў інтэрнэце. Як і радыёперадачы, яны часта дзеляцца на цыклі, сэзоны, асобныя часткі і прысьвечаныя канкрэтнай тэме.
Падкасты значна зручнейшыя, чым радыё, бо іх можна слухаць у любы момант, без патрэбы сачыць за раскладам.
Як іх можна слухаць?
Падкасты Свабоды можна слухаць
- на нашым сайце;
- на відэаплятформе Youtube;
- на аўдыёплятформе SoundCloud;
- праз мабільныя праграмы (аплікацыі).
Для гэтага трэба спампаваць на свой тэлефон праграму (як на iOS, гэтак і на Android), знайсьці праз пошукавую сыстэму падкаст-канал, які вас цікавіць, і падпісацца на яго.
Аплікацыя сама вам паведаміць, калі зьявіцца новы выпуск падкасту. Вы можаце яго запампаваць на свой тэлефон і паслухаць у любы зручны для вас час.
А дзе можна знайсьці падкасты Свабоды?
Падкасты Свабоды даступныя ў RSS і ў такіх мабільных праграмах:
• iTunes
• Google Podcasts
• CastBox
• Podcast Addict
• Podcast Republic
• SoundCloud
Навошта слухаць, калі можна і пачытаць?
Бо падкасты можна слухаць тады, калі чытаць проста немагчыма.
- У аўтамабілі, аўтобусе, цягніку. Паўсюль, дзе бракуе сьвятла чытаць
- Падчас трэнаваньня ў фітнэс-залі
- Падчас яды (і піцьця)
- Падчас гатаваньня
- Падчас шпацыру
- Падчас выкананьня хатніх абавязкаў (вывешваньня бялізны, прасаваньня, мыцьця посуду)
- Падчас праполваньня бульбы
- На рыбе
- У лазьні ці ў душы
- Дадайце свае прапановы ў камэнтарах
Якія каналы ў Свабоды ўжо ёсьць?
- Інтэрвію
- Падарожжы з Бартосікам
- Чытальная заля
- Толькі жанчыны
- Стары Менск. Гісторыя зьнікненьня
- Мова пра мову
- Падарожжа ў БНР
- Бартосік. Клініка кітайскага дантыста
- Пад Лукашэнкам
- Нечаканы Скарына
- Невядомы Данчык
- Межы Беларусі
- Бацькі і дзеці
- Доўгая дарога дадому
- Сёмая вобласьць
- Доктар Мартаў. На вайне з COVID-19
Калі вам хочацца мець усе падкасты ў адным канале, то падпісвайцеся на гэты канал:
А гэта бясплатна?
Для вас — ТАК.
