Па выніках таргоў на Беларускай валютна-фондавай біржы зафіксаваныя чарговыя гістарычныя максымумы.
Зь мінулай пятніцы даляр умацаваўся на 8 капеек і дасягнуў адзнакі 2,6396 рубля. Гэта найбольшы паказьнік за ўвесь час існаваньня беларускай грашовай адзінкі.
Эўра дадаў 6 капеек і цяпер прадаецца па 2,8300 рубля. Гэта таксама абсалютны рэкорд.
Аслабеў адносна беларускай валюты толькі расейскі рубель — да 3,2698 за 100 адзінак.
Цяпер у абменных пунктах банкі купляюць даляр, пачынаючы ад 2,65-2,7 рубля, і прадаюць за 2,7-2,8. Эўра набываюць і прадаюць па цане каля 3 рублёў. У многіх выпадках замежнай валюты не хапае і па такім курсе.
