Рынак нафты і фондвыя рынкі адказалі падзеньнем на навіну пра абвяшчэньне COVID-19 пандэміяй.
Індэкс Dow Jones панізіўся амаль на 6%, гэта найгоршы паказьнік ад сьнежня 2018 году.
Цэны на нафту не апусьціліся ніжэй за мінімальнае значэньне 9 сакавіка, калі гатунак Brent сягнуў ніжэй за 32 даляры за барэль, аднак наблізіліся да яго, затрымаўшыся на адзнацы 33,5 даляра.
У пачатку тыдня асноўныя сусьветныя біржы перажылі падзеньне. Каляпс выклікаў распаўсюд каранавіруснай інфэкцыі ў сьвеце і правал перамоваў нафтавага картэля OPEC з Расеяй.
Краіны – экспартэры нафты не пагадзілася на дадатковае скарачэньне вытворчасьці, фактычна абваліўшы цэны на сыравіну. Па сутнасьці, пачалася цэнавая вайна паміж найбуйнейшымі ўдзельнікамі пагадненьня — Расеяй і Саудаўскай Арабіяй.
