Дзень у гісторыі
1595 — Жыгімонт Ваза надаў Наваградку герб.
«У чырвоным полі постаць арханёла Міхала ў чорным узбраеньні з крыламі за сьпінай; у правай руцэ меч, у левай — шалі» (Цітоў А. Геральдыка Беларускіх местаў. Мн, 1998).
1921 — паміж РСФСР і Польшчай была падпісаная Рыская дамова, згодна зь якой заходнія землі Беларусі перадаваліся пад уладу Польшчы, а ўсходнія ўваходзілі ў склад РСФСР. Тэрыторыю БССР на той час складалі 6 паветаў Менскай губэрні.
Якуб Колас пра гэта пісаў:
Нас падзялілі — хто? Чужаніцы,
Цёмных дарог махляры.
К чорту іх межы! К д’яблу граніцы!..
Нашы тут гоні, бары!
1921 — заснаваны БДУ.
1992 — ЭГУ атрымаў ліцэнзію і афіцыйны дазвол на адкрыцьцё.
У гэты дзень нарадзіліся
1814 — Яўстах Тышкевіч, археоляг, гісторык, краязнавец, барысаўскі павятовы маршалак.
1827 — Якуб Гейштар, удзельнік паўстаньня 1863-64, мэмуарыст.
1838 — Уладзіслаў Дыбоўскі, заоляг, батанік, палеантоляг і фальклярыст, удзельнік паўстаньня 1863-1864 гадоў.
1891 — Лявон Гмырак, празаік, эсэіст, літаратурны крытык.
1894 — Альбін Стаповіч, беларускі грамадзка-палітычны і рэлігійны (каталіцкі) дзеяч.
1898 — Антук Крынiца, актор тэатра, адзін з заснавальнікаў і вядучы актор Першага беларускага таварыства драмы і камэдыі, ахвяра сталінізму.
1903 — Платон Галавач, празаік, ахвяра сталінізму, расстраляны.
1903 — Міхась Маскалік, беларускі хадэцкі дзеяч, уніяцкі сьвятар.
1928 — Юры Станкевіч, дзеяч беларускай эміграцыі, сябра Рады БНР.
1932 — Эрнэст Сабіла, беларускі пратэстанцкі рэлігійны і грамадзкі дзеяч, дысыдэнт.
1940 — Эдуард Ханок, кампазытар, народны артыст Беларусі.
1959 — Валеры Магучы, скульптар.
1962 — Стэфан Эрыксан, швэдзкі дыплямат, былы пасол Швэцыі ў Беларусі.
1976 — Уладзімер Пугач, музыка і сьпявак, лідэр гурта «J:морс».
У памяці
1669 — Юры Глябовіч, дыплямат і вайсковы дзяяч ВКЛ, падпісаў Андрусаўскае замірэньне, за што ва ўзнагароду стаў віленскім ваяводам.
1758 — Тамаш Жаброўскі, каталіцкі дзеяч, матэматык і архітэктар.
1850 — Ганна Цюндзявіцкая, аўтарка папулярных гаспадарчых дапаможнікаў («Літоўская гаспадыня»).
1980 — Эрых Фром, нямецка-амэрыканскі філёзаф, сацыяльны псыхоляг і псыхааналітык.
1981 —Баляслаў Слосканс, каталіцкі біскуп, вязень ГУЛАГу, з 1952 апостальскі візытатар для беларусаў-каталікоў у Заходняй Эўропе.
1987 — Якуб Ермаловіч, празаік, вязень ГУЛАГу.
1988 — Аляксей Мiтрафанаў, археоляг.
2010 — Аляксандар Кулакоўскі, беларускі праваслаўны сьвятар у Аўстраліі.
