«Ужо павінна прыходзіць новае пакаленьне людзей. Мы калісьці сыдзем. Ня так далёка гэты час», — заявіў кіраўнік Беларусі Аляксандар Лукашэнка падчас прыняцьця кадравых рашэньняў 12 верасьня.
«А прыйсьці мусяць людзі, якія павінны захаваць краіну», — цытуе БелТА Аляксандра Лукашэнку.
Сёньня Лукашэнка прызначыў новых кіраўнікоў пяці раёнаў краіны, амбасадараў у Эгіпце, Ізраілі, Эквадоры, Турэччыне і Туркмэністане, генэральных дырэктараў прадпрыемстваў «Гомельшкло» і «Планар».
