Нацыянальны банк Беларусі апублікаваў 24 студзеня паведамленьне аб зьмене назвы банку, раней вядомага як «Масква-Менск». Паводле рашэньня агульнага сходу акцыянэраў, цяпер афіцыйная назва – ААТ «Банк Дабрабыт».
Сайт банку яшчэ не абнавіўся, новы лягатып і фірмовы стыль не прадстаўляліся, хоць рашэньне акцыянэраў было прынятае 28 сьнежня.
Тым часам у банку БелВЭБ працягваюць прапаноўваць крэдыт пад назвай «Дабрабыт». Ці ня будзе тут канфлікту з аднайменным банкам, невядома.
Банк зьявіўся ў Беларусі ў 2000 годзе як даччынае прадпрыемства «Банку Масквы». Празь фінансавыя праблемы «Банку Масквы» банк «Масква-Менск» дастаўся расейскаму банку ВТБ, у якога «Маскву-Менск» у 2014 годзе выкупілі беларускі Нацбанк і падкантрольны яму «Парытэтбанк». За 100% акцыяў заплацілі 55,7 млн даляраў.
