Радыё Свабода публікуе тэкст Яна Леановіча, дасланы на конкурс «100 словаў да 100-годзьдзя БНР».
Кажучы пра БНР, некаторыя згадваюць «нямецкую акупацыю». Хтосьці паказвае на адсутнасьць міжнароднага прызнаньня. І абавязкова нагадаюць пра адсутнасьць межаў, валюты і гэтак далей. Усё так. Беларусь чакалі яшчэ многія гады барацьбы за незалежнасьць.
Але важна іншае: стагодзьдзе таму паўстаў прэцэдэнт, які даў зразумець, што ігнараваць беларусаў не атрымаецца. ССРБ, БССР і Рэспубліка Беларусь — усяго гэтага магло ня быць, калі б не абвяшчэньне БНР.
Вядома, наша гісторыя налічвае шмат стагодзьдзяў, пачынаючы з разрозьненых балцкіх і славянскіх княстваў. У гэтай гісторыі шмат сапраўды значных падзей. Але менавіта абвяшчэньне БНР стала зьвяном паміж мінулым і сучаснасьцю, а ў Беларусі зьявілася права на будучыню.
Радыё Свабода абвясьціла конкурс «100 словаў да 100-годзьдзя БНР»
Дасылайце на bnr100slovau@gmail.com свае думкі, уражаньні, нататкі і кароткія эсэ, прысьвечаныя стагодзьдзю БНР. Найлепшыя тэксты будуць апублікаваныя на сайце Радыё Свабода, іх аўтары атрымаюць падарункі:
- 1 месца — электронная кніга Amazon Kindle;
- 2 месца — швэдар symbal.by.
- 3 месца — вышыванка symbal.by (жаночая ці мужчынская).
Пераможцы будуць названыя 25 сакавіка, у дзень 100-годзьдзя абвяшчэньня незалежнасьці БНР.
Фармат «100 словаў» для хуткага рытму жыцьця сучаснага чытача зьявіўся на Радыё Свабода ў 2014 годзе. Цягам больш як трох гадоў аўтары дасылалі на Свабоду свае тэксты, найлепшыя зь якіх публікаваліся на сайце і ўвайшлі ў кнігу «100 словаў» з сэрыі «Бібліятэка Свабоды».
