Прэзыдэнт Вэнэсуэлы Нікаляс Мадура распрацаваў так званы «трусіны плян» для супрацьстаяньня эканамічнай вайне, якая, на яго думку, была разьвязаная супраць Вэнэсуэлы імпэрыялістамі. Мадура заклікаў вэнэсуэльцаў разводзіць трусоў і ўжываць жывёльны пратэін у ежы.
Паводле Мадуры, у рамках экспэрымэнтальнага праекта міністра сельскай гаспадаркі, маленькіх трусікаў накіравалі ў 15 мясцовых абшчын. Але празь некаторы час чыноўнікі выявілі, што людзі апранулі жывёлам банцікі, многія далі трусам імёны, бралі іх з сабой у ложак. Міністар сельскай гаспадаркі заклікаў вэнэсуэльцаў пачаць разглядаць гэтых жывёл «з пазыцыі эканамічнай вайны».
Вэнэсуэла перажывае рэкордны ўзровень дзіцячага недаяданьня праз дэфіцыт прадуктаў харчаваньня.
