Такое меркаваньне ён выказаў у пятніцу ў Брусэлі ў штаб-кватэры NATO, кажучы пра абмеркаваньне гэтага пытаньня з генэральным сакратаром альянсу Енсам Столтэнбэргам, паведамляе УНІАН.
«Вельмі цяжка прагназаваць дзеяньні прэзыдэнта Расеі, лёгіку якіх вельмі цяжка прасачыць, але гэтыя вучэньні могуць быць выкарыстаныя для таго, каб пачаць агрэсію ня толькі супраць Украіны, але супраць любой краіны Эўропы, якая мяжуе з Расеяй», — заявіў украінскі міністар.
