Тыдзень таму, выступаючы на слуханьнях па Расеі, высокапастаўленая супрацоўніца міністэрства ўнутранай бясьпекі Джэнэт Манфра заявіла, што падчас выбараў 2016 году расейскія хакеры спрабавалі ўзламаць сыстэмы для галасаваньня ў некалькіх штатах, аднак у якіх менавіта, яна не паведаміла.
Масква катэгарычна адмаўляе сваё дачыненьне да кібэратакаў на амэрыканскія структуры і СМІ падчас прэзыдэнцкай кампаніі ў ЗША 2016 году.
