Генэральны сакратар НАТА Енс Столтэнбэрг, знаходзячыся ў Латвіі, абвясьціў аб завяршэньні перадысьлякацыі войскаў Паўночнаатлянтычнага саюзу ў краіны Балтыі і Польшчу.
Кіраўнік НАТО падкрэсьліў, што абяцаньне, узятае на сябе год таму ў Варшаве, саюзьнікі выканалі.
Столтэнбэрг лічыць колькасьць войскаў у рэгіёне дастатковым. У той жа час Генэральны сакратар НАТА заклікаў да пошуку шляхоў для дыялёгу з Масквой.
Паўночнаатлянтычны саюз на ліпеньскім саміце 2016 года прыняў рашэньне аб перакідваньні вайскоўцаў і тэхнікі на ўсходні флянг ў краіны Балтыі і Польшчу дзеля гарантаваньня іх бясьпекі на фоне дзеяньняў Расеі ва Ўкраіне.
