На поўначы Сырыі, ва ўсходніх раёнах Алепа ўрадавымі войскамі забітыя 82 мірныя жыхары, у тым ліку 11 жанчын і 13 дзяцей.
Паводле дадзеных праваабарончага ведамства ААН, якое спасылаецца на вартыя даверу сьведчаньні, салдаты арміі Башара Асада ўрываюцца ў дамы, проста на месцы забіваюць жыхароў, у тым ліку жанчын і дзяцей.
Паводле апошніх дадзеных Бі-Бі-Сі, паўстанцы, якія ўтрымлівалі ўсход Алепа 4 гады, наблізіліся да мяжы поўнай паразы. Пад іх кантролем застаюцца ўсяго некалькі кварталаў.
ААН і Міжнародны камітэт Чырвонага Крыжа заклікалі ўрад Сырыі і яго саюзьніка Расею спыніць бамбаваньні Алепа і гарантаваць бясьпечную эвакуацыю мірнага насельніцтва.
Раней сырыйскія ўрадавыя вайскоўцы паведамілі агенцтву Reuters, што выціснулі паўстанцаў з усіх раёнаў Усходняга Алепа.