Пра гэта паведамляецца ў Твітэры праекту. Сам партал працягвае працу.
WikiLeaks апошнімі тыднямі публікуе тысячы дакумэнтаў, зьвязаных зь перадвыбарнай кампаніяй у ЗША, у прыватнасьці, перапіску кандыдата ў прэзыдэнты Гілары Клінтан зь яе памочнікамі, уключна з найбліжэйшым дарадцам Джонам Падэстам.
Штаб Клінтан сьцьвярджае, што WikiLeaks атрымлівае дакумэнты ад расейскіх хакераў, зьвязаных са спэцслужбамі, якія ўзломваюць амэрыканскія сэрвэры з мэтай паўплываць на ход выбараў. У самой арганізацыі сьцьвярджаюць, што сайт WikiLeaks ніяк ня зьвязаны з расейскімі спэцслужбамі.
