ПАДЗЕІ ДНЯ
Менск. Кансэрватыўна-хрысьціянская партыя — БНФ праводзіць шэсьце з нагоды дня памяці продкаў «Дзяды». Арганізатары атрымалі дазвол на акцыю ад Менгарвыканкаму, узгоднены з Менаблвыканкамам. Месца збору — Пляцоўка каля гадзіньнікавага заводу «Прамень». Час збору — 11:00
Сьвіслач, Горадзенская вобласьць. Акцыя памяці ўдзельнікаў паўстаньня Кастуся Каліноўскага. Ад’езд зь Менску а 6:00 ад галоўнага ўваходу ў Батанічны сад
Менск. Канцэрт гурту IOWA. Адзін з самых пасьпяховых музычных калектываў СНД прадставіць новую праграму.
Месца правядзеньня — Палац Рэспублікі (пл. Кастрычніцкая, 1). Пачатак а 19:00
Менск. Канцэрт ансамблю старадаўняй музыкі «Кантабіле»
Месца правядзеньня — Беларуская дзяржаўная філярмонія (пр. Незалежнасьці, 50). Пачатак а 19:00
Магілёў, па 30 кастрычніка. Фэстываль аматарскага тэатральнага мастацтва «Сьвятло рампы».
ГЭТЫ ДЗЕНЬ У ГІСТОРЫІ
1579 — Адкрыты Віленскі ўнівэрсытэт.
1919 — У газэце «Беларусь» апублікаваны верш Краўцова Макара «Мы выйдзем шчыльнымі радамі», які, пакладзены на музыку, стаў гімнам БНР, пачаткова пад назваю «Ваяцкі марш».
1921 — Афіцыйна адкрыўся Беларускі дзяржаўны ўнівэрсытэт. На той час ён меў два факультэты — мэдычны і грамадзкіх навук.
1988 — У Менску разагнаныя «Дзяды». У полі ля Курапатаў былі зачытаныя ўстаноўчыя дакумэнты «Мартыралёгу Беларусі» і Аргкамітэту БНФ.
У гэты дзень нарадзіліся:
1728 — Марцін Пачобут-Адляніцкі, беларускі астраном
1871 — Поль Валеры, францускі пісьменьнік
1885 — Эзра Паўнд, амэрыканскі паэт
1936 — Генадзь Цыхун, беларускі мовазнавец
У гэты дзень памерлі:
1936 — Фэрдынанд Рушчыц, беларуска-польскі мастак.
1937 — Тодар Кляшторны, беларускі паэт. Расстраляны НКВД
1937 — Янка Нёманскі, беларускі пісьменьнік. Расстраляны НКВД
1937 — Юлі Таўбін, беларускі паэт. Расстраляны НКВД
1937 — Аляксандар Крыніцкі, савецкі партыйны і дзяржаўны дзяяч, першы сакратар Камуністычнай партыі Беларусі. Расстраляны НКВД
ЦЫТАТА НА ПАМЯЦЬ:
Ўпрадае дым у залатую гладзь,
Па-над прасторамі бярозавая просінь,
Ружовы дзень спусьціўся падрамаць
За верхавінамі смалістых сосен.
Мядовы водар кружыць галаву...
У цішыні задумаліся далі.
Рамашкі белыя асьнежылі траву
І ў туманах салодка задрамалі.
О родны край, — саломеныя хаты...
Люблю прастораў казачную муць.
Іду адзін,
А тысячы крылатых
Мне пра любоў адвечную пяюць.
Тодар Кляшторны