Адзін з найбуйнейшых порнасайтаў сьвету PornHub прапанаваў «Роскомнадзору» прэміяльную падпіску, калі ведамства скасуе блякаваньне парталу ў Расеі.
«На жаль, мы не на рынку і дэмаграфія ня ёсьць таварам», — адказала ведамства порнасайту.
13 верасьня сайты PornHub і яго даччыны сайт YouPorn былі заблякаваныя рашэньнямі судоў Варонескай вобласьці і Ўладзівастоку. Іх працу прызналі парушэньнем закону аб распаўсюдзе парнаграфічных матэрыялаў.
У верасьні 2015 году Фэдэральная служба нагляду ў сфэры сувязі, інфармацыйных тэхналёгій і масавых камунікацый («Роскомнадзор») унесла ў рэестар забароненых 11 порнасайтаў, у тым ліку расейскамоўную вэрсію PornHub.
У Беларусі PornHub і YouPorn не заблякаваныя.
PornHub вылучаецца сярод іншых порнарэсурсаў адкрытымі публікацыямі ўласнай статыстыкі праглядаў і тыпаў відэа ды яе аналізам, правядзеньнем дабрачынных акцыяў (у падтрымку барацьбы з ракам малочнай залозы, высадкі дрэваў), спробамі спансараваць спартовыя каманды, а таксама спробамі разьмясьціць легальную вулічную рэкляму ў ЗША.
