Беларускія інтэрнаўты пазналі ў чалавеку, які разам з паралімпійскай зборнай Беларусі нёс расейскі сьцяг на адкрыцьці Паралімпіяды, дырэктара Рэспубліканскага цэнтру алімпійскай падрыхтоўкі па лёгкай атлетыцы Андрэя Фомачкіна.
Расейскія СМІ зьвяртаюць увагу на тое, што Фомачкін нарадзіўся ў расейскім горадзе Армавір (Краснадарскі край), але мае беларускае грамадзянства.
Свабода спрабуе зьвязацца са спадаром Фомачкіным.
У Міжнародным паралімпійскім камітэце раней заявілі, што яго асоба выяўленая, абмяркоўваюцца магчымыя дысцыплінарныя меры. У МПК папярэдзілі, што падобныя паводзіны будуць расцэненыя як палітычны жэст.
Мінспорту тым часам ня ведае, хто нёс расейскі сьцяг на адкрыцьці Паралімпіяды — і ня ўпэўненае, ці будзе самастойна высьвятляць асобу «сьцяганосца».
