Адзін зь лідэраў групоўкі «Ісламская дзяржава» Умар аш-Шышані, вядомы таксама як «Умар Чачэнец», загінуў падчас амэрыканскай бамбардзіроўкі на паўночным усходзе Сырыі, пацьвердзілі ў Пэнтагоне 14 сакавіка.
Атака з паветра на калёну аўтатранспарту, у складзе якой рухаўся баявік, адбылася 4 сакавіка ля сырыйскага горада Шададзі. У крытычным стане аш-Шышані быў перавезены ў фактычную сталіцу кантраляванай групоўкай «Ісламская дзяржава» тэрыторыі — горад Рака, але атрыманыя траўмы аказаліся несумяшчальнымі з жыцьцём.
Аш-Шышані, або Тархан Батырашвілі, займаў некалькі пасадаў у кіраўніцтве групоўкі, у тым ліку пост «ваеннага міністра».
Ён нарадзіўся ў студзені 1986 году ў пасёлку Біркіані ў Панкіскай цясьніне ў Грузіі, удзельнічаў у расейска-грузінскай вайне ў Паўднёвай Асэтыі ў 2008 годзе.
Восеньню 2010 году ён быў асуджаны паводле абвінавачваньня ў незаконным захоўваньні зброі; у турме стаў прыхільнікам радыкальнага ісламу.
