Лінкі ўнівэрсальнага доступу

Усе сайты РС/РСЭ
РАССЫЛКА НАВІНЫ
site logo site logo
Папярэдняя старонка Наступная старонка
Гарачыя навіны!
Пікет памяці Віктара Ганчара і Анатоля Красоўскага

Пікет памяці Віктара Ганчара і Анатоля Красоўскага

Палітыка

Лябедзька правёў пікет памяці Ганчара і Красоўскага каля ГУМу ВІДЭА

абноўлена

16 гадоў таму ў Менску пры нявысьветленых абставінах зьніклі апазыцыйны палітык Віктар Ганчар і прадпрымальнік Анатоль Красоўскі.

16 верасьня ўвечары ў Менску каля ГУМа актывісты Аб’яднанай грамадзянскай партыі, у якой быў Віктар Ганчар, правялі пікет «16 гадоў без Ганчара і Красоўскага». «Заяўка на пікет не падавалася. Пікет пройдзе ў адпаведнасьці з артыкуламі 35 Канстытуцыі і 45 Выбарчага кодэксу Рэспублікі Беларусь», — паведаміла прэсавая служба АГП.

19:38 16.9.2015
Пікет памяці Ганчара і Красоўскага. Мабільныя фота
Фотагалерэя:

Пікет памяці Ганчара і Красоўскага. Мабільныя фота

У Менску каля ГУМа актывісты Аб’яднанай грамадзянскай партыі, у якой быў Віктар Ганчар, правялі пікет памяці «16 гадоў без Ганчара і Красоўскага».

Паглядзець усе фота на адной старонцы

18:10 16.9.2015

Увечары 16 верасьня 1999 году Віктар Ганчар, які спачатку быў у камандзе Аляксандра Лукашэнкі і дапамог яму прыйсці да ўлады, а потым сышоў у апазыцыю, і ягоны сябар Анатоль Красоўскі прыехалі ў лазьню, разьмешчаную ў Менску па вуліцы Фабрычнай, 20. Апошні раз іх бачылі прыкладна ў 22.35, калі абодва выйшлі з будынку і селі ў «Джып-Чэрокі» Красоўскага.

Крымінальную справу па факце зьнікненьня Ганчара і Красоўскага завяла пракуратура Менску. Паводле сьледзтва, пры аглядзе прылеглай тэрыторыі былі знойдзеныя аскепкі плястмасавых расьсейвальнікаў сьветласыгнальных прыбораў аўтамабіля, сьляды тармажэньня аўтамашыны і яе ўдару аб дрэва, а таксама сьляды крыві. Вынікі генатыпаскапічнай экспэртызы паказалі, што паходжаньне знойдзеных на месцы здарэньня сьлядоў крыві ад Красоўскага выключаецца, а ступень дакладнасьці вывадаў аб паходжаньні плямаў крыві ад Ганчара складае 99,6%. Аналіз сабраных па справе доказаў, у тым ліку паказаньняў сьведак, дае падставу меркаваць, што Ганчар і Красоўскі былі гвалтоўна выкрадзеныя невядомымі асобамі, — нагадвае БелаПАН.

Прадстаўнікі апазыцыі, родныя зьніклых і міжнародная грамадзкасьць лічаць, што Ганчар і Красоўскі былі выкрадзеныя паводле палітычных матываў, і падазраюць у датычнасьці да гэтага злачынства вышэйшых службовых асобаў краіны.

18:09 16.9.2015

16 гадоў таму ў Менску пры нявысьветленых абставінах зьніклі апазыцыйны палітык Віктар Ганчар і прадпрымальнік Анатоль Красоўскі.

Загрузіць яшчэ

​
XS
SM
MD
LG