«Прычына адна, новае збліжэньне з Захадам і пагаршэньне эканамічнай сытуацыі ў Расеі. Ізаляцыя Расеі справакавала сур’ёзны крызіс і дэвальвацыю, што не магло не адбіцца на беларускай гаспадарцы.
Складанае сытуацыя прымушае Лукашэнку шукаць новыя крыніцы фінансаваньня. А гэтай крыніцай застаецца Захад. Улічваючы канфлікт ва Ўкраіне і пэўную геапалітычную нэўтральнасьць Беларусі, ЭЗ і ЗША пайшлі на саступкі Менску, але пакуль палітычныя.
Лукашэнка чакае большага, яму патрэбны грошы, а дзеля гэтага лепшага тавару, чым палітычныя вязьні няма. Безумоўна, вызваленьне гэта элемэнт больш шырокай гульні і ўключае ў сябе выбарчы працэс. Выбары і адсутнасьць палітвязьняў — гэта палітычны пакет, які Лукашэнка зьбіраецца прадаць Захаду. І напэўна заходнія краіны будуць лічыць „зьмены“ у Беларусі посьпехам сваёй палітыкі і, каб яго „посьпех“ замацаваць, выдзеляць крэдыты для Беларусі».
