Яе абвінавацілі ў працы на замежныя СМІ без акрэдытацыі.
8 сакавіка начальнік аддзелу аховы правапарадку Цэнтральнага РАУС, падпалкоўнік Юры Панін выклікаў журналістку Ларысу Шчыракову ў міліцыю і склаў адміністрацыйны пратакол паводле часткі 2 артыкула 22.9 КаАП — «Парушэньне заканадаўства аб друку і іншых сродках масавай інфармацыі». Падставай для завядзеньня справы стаў тэлесюжэт на тэлеканале «Белсат» з апытаньнем гомельскіх прадпрымальнікаў.
На рахунку журналісткі — яшчэ два аналягічныя адміністрацыйныя пратаколы, складзеныя 10 сакавіка УУС г. Рэчыцы.
