Лябедзька прагназуе ў 2015 годзе «самую цяжкую прэзыдэнцкую кампанію»

Спадар Лябедзька назваў чатыры чыньнікі, якія гэтаму «спрыяюць».

1. У грамадзтве назапасілася стомленасьць, бо спадзеў на вяртаньне дэмакратычных парадкаў ня спраўджваецца.
2. Аляксандар Лукашэнка атрымаў фінансавую дапамогу ад Крамля, якую мусіць «адпрацоўваць».
3. Захад можа паўтарыць памылку падчас папярэдніх выбараў 2010 году, калі МВФ выдаў Менску крэдыт у памеры 3 мільярдаў даляраў.
4. Прыклад Украіны: насельніцтва пад прэсам расейскай прапаганды баіцца паўтарэньня украінскіх падзеяў.

Тым ня меней, па словах Анатоля Лябедзькі, апанэнты рэжыму павінны ўдзельнічаць у прэзыдэнцкіх выбарах і пажадана — з адзіным кандыдатам.