Нацыянальны экзіт-пол: Парашэнка перамагае ў першым туры (ЖЫВЫ БЛОГ)
25 траўня ва Ўкраіне адбываюцца пазачарговыя прэзыдэнцкія выбары. Яўка высокая за выключэньнем акупаванага Крыма і Данбаса, дзе дзейнічаюць узброеныя баевікі.
Былая дзяржсакратар ЗША Мадлен Олбрайт і былы міністар замежных спраў Іспаніі Ана Палас, якія зьяўляюцца кіраўнікамі Міжнароднай місіі назіраньня за выбарамі ва Ўкраіне, на адным з участкаў у цэнтры Кіева.
16:3225.5.2014
Вайскоўцы, якія ўдзельнічаюць у антытэрарыстычнай апэрацыі, таксама галасуюць
На 15 гадзін прагаласавалі каля 15% вайскоўцаў, якія бяруць удзел у антытэрарыстычныя апэрацыі ў Данбасе, паведаміў намесьнік начальніка Галоўнага каманднага цэнтра Ўзброеных сіл Украіны генэрал-маёр Аляксандар Размазьнін.
Мітынг сэпаратыстаў у Данецку. Шмат узброеных баевікоў
14:5225.5.2014
У Данбасе тэрор супраць выбарцаў — МУС Украіны
На прэзыдэнцкіх выбарах ва Ўкраіне назіраецца рэкордная яўка. Пра гэта сёньня на прэсавай канфэрэнцыі заявіў дарадца міністра ўнутраных спраў Станіслаў Рачынскі.
«Бачна, што мы перажываем небывала актыўныя выбары, — заявіў ён. — Ужо цяпер відаць, што яўка будзе нейкая рэкордная».
Рачынскі адзначыў, што супрацьлеглая сытуацыя назіраецца ў Данбасе, «дзе ідзе адкрыты тэрор у адносінах да ўдзельнікаў выбарчага працэсу». Ён адзначыў, што ў гэтым рэгіёне выбары праходзяць фактычна «ў стане вайны».
14:5125.5.2014
Чаму ў Данецку не адкрыўся ніводзін выбарчы ўчастак?
