Паводле дадзеных на 14.00, пазачарговыя выбары прэзыдэнта Ўкраіны праходзяць у 9 з 22 выбарчых акругаў. Сам губэрнатар Данецкай вобласьці Сяргей Тарута прагаласаваў па месцы жыхарства — у Марыюпалі, перадае 62.ua.
Камэнтуючы ход галасаваньня, кіраўнік абласной адміністрацыі адзначыў, што ўлада зрабіла ўсё магчымае для арганізацыі выбараў у рэгіёне, аднак выбарчы працэс на шэрагу ўчасткаў быў сарваны баевікамі так званай «Данецкай народнай рэспублікі», якая прызнаная тэрарыстычнай арганізацыяй.
«Выбары ў вобласьці адбыліся. Аднак даводзіцца канстатаваць той факт, што, на жаль, частка выбарцаў не змагла скарыстацца сваім правам на волевыяўленьне. Мы ня можам рызыкаваць жыцьцём і здароўем нашых грамадзян ва ўмовах, калі выбары зрываюцца ўзброенымі да зубоў баевікамі. Перашкаджаць людзям абіраць уладу на сваёй зямлі — гэта азначае адабраць у іх права голасу. Тыя, хто гэта робіць, — акупанты і барбары. Гэтыя дзеяньні выклікаюць абурэньне ў большасьці жыхароў Данбасу», — адзначыў Сяргей Тарута.
Тым часам Камітэт выбарцаў Украіны зазначае, што сытуацыя з выбарамі на ўсходзе Ўкраіны паляпшаецца.
Яўка выбарцаў па Данецкай вобласьці на 15:00 склала 9,11%. Як паведамілі карэспандэнту Свабоды ў Камітэце выбарцаў Украіны, у Данецкай вобласьці адкрыліся 514 з 2430 выбарчых участкаў, участковыя выбарчыя камісіі пачалі атрымліваць сьпісы выбарцаў і бюлетэні. У некаторых гарадах пачалося галасаваньне.
Камэнтуючы ход галасаваньня, кіраўнік абласной адміністрацыі адзначыў, што ўлада зрабіла ўсё магчымае для арганізацыі выбараў у рэгіёне, аднак выбарчы працэс на шэрагу ўчасткаў быў сарваны баевікамі так званай «Данецкай народнай рэспублікі», якая прызнаная тэрарыстычнай арганізацыяй.
«Выбары ў вобласьці адбыліся. Аднак даводзіцца канстатаваць той факт, што, на жаль, частка выбарцаў не змагла скарыстацца сваім правам на волевыяўленьне. Мы ня можам рызыкаваць жыцьцём і здароўем нашых грамадзян ва ўмовах, калі выбары зрываюцца ўзброенымі да зубоў баевікамі. Перашкаджаць людзям абіраць уладу на сваёй зямлі — гэта азначае адабраць у іх права голасу. Тыя, хто гэта робіць, — акупанты і барбары. Гэтыя дзеяньні выклікаюць абурэньне ў большасьці жыхароў Данбасу», — адзначыў Сяргей Тарута.
Тым часам Камітэт выбарцаў Украіны зазначае, што сытуацыя з выбарамі на ўсходзе Ўкраіны паляпшаецца.
Яўка выбарцаў па Данецкай вобласьці на 15:00 склала 9,11%. Як паведамілі карэспандэнту Свабоды ў Камітэце выбарцаў Украіны, у Данецкай вобласьці адкрыліся 514 з 2430 выбарчых участкаў, участковыя выбарчыя камісіі пачалі атрымліваць сьпісы выбарцаў і бюлетэні. У некаторых гарадах пачалося галасаваньне.
