Суд пастанавіў выдаць Дылько пасьведчаньне кандыдата ў дэпутаты па сталічнай выбарчай акрузе № 8.
Пра гэта Свабодзе паведаміў лідэр партыі Сяргей Калякін, які прысутнічаў на судовым паседжаньні:
«У нашага таварыша ёсьць лецішча ў Дзяржынскім раёне ў садовым таварыстве. І ён паказаў гэта ў дэклярацыі аб маёмасьці і прыбытках як сваю ўласнасьць. Але зямлю, на якой збудаваны дом, ён не пазначыў, бо ягоны ўчастак не прыватызаваны.
Дылько зрабіў усё паводле дзейнага заканадаўства. Аднак у дзьвюх выбарчых камісіях — раённай і гарадзкой — палічылі гэта парушэньнем. І толькі гарадзкі суд прызнаў, што патэнцыйны кандыдат у дэпутаты памылкі ў дэклярацыі не зрабіў».
Пакуль гэта толькі другі выпадак, калі скаргі на адмову ў рэгістрацыі кандыдатаў у дэпутаты задаволеныя. Раней Берасьцейская абласная выбарчая камісія зарэгістравала сацыял-дэмакрата Генадзя Ігумнава кандыдатам у дэпутаты Берасьцейскага гарсавету.
Усяго ў рэгістрацыі адмовілі 353 кандыдатам. Аднак скаргі падалі менш за палову. Адзін з кіраўнікоў грамадзянскай кампаніі «Гавары праўду» Сяргей Вазьняк тлумачыць гэта так:
«Вялікага жаданьня абскарджваць у людзей няма. Усе ж ведаюць, чым гэта звычайна заканчваецца. Ды мы іх і не прымушалі. Тым, хто захацеў пісаць скаргі, мы дапамагалі іх скласьці».
Больш за 100 скаргаў ужо разгледжаныя.
Тым часам зарэгістраваныя кандыдаты ў дэпутаты пачалі агітацыю. Ім даецца магчымасьць адзін раз бясплатна выступіць па мясцовым радыё.
Мясцовыя выбары пройдуць 23 сакавіка.
Пра гэта Свабодзе паведаміў лідэр партыі Сяргей Калякін, які прысутнічаў на судовым паседжаньні:
«У нашага таварыша ёсьць лецішча ў Дзяржынскім раёне ў садовым таварыстве. І ён паказаў гэта ў дэклярацыі аб маёмасьці і прыбытках як сваю ўласнасьць. Але зямлю, на якой збудаваны дом, ён не пазначыў, бо ягоны ўчастак не прыватызаваны.
Дылько зрабіў усё паводле дзейнага заканадаўства. Аднак у дзьвюх выбарчых камісіях — раённай і гарадзкой — палічылі гэта парушэньнем. І толькі гарадзкі суд прызнаў, што патэнцыйны кандыдат у дэпутаты памылкі ў дэклярацыі не зрабіў».
Пакуль гэта толькі другі выпадак, калі скаргі на адмову ў рэгістрацыі кандыдатаў у дэпутаты задаволеныя. Раней Берасьцейская абласная выбарчая камісія зарэгістравала сацыял-дэмакрата Генадзя Ігумнава кандыдатам у дэпутаты Берасьцейскага гарсавету.
Усяго ў рэгістрацыі адмовілі 353 кандыдатам. Аднак скаргі падалі менш за палову. Адзін з кіраўнікоў грамадзянскай кампаніі «Гавары праўду» Сяргей Вазьняк тлумачыць гэта так:
«Вялікага жаданьня абскарджваць у людзей няма. Усе ж ведаюць, чым гэта звычайна заканчваецца. Ды мы іх і не прымушалі. Тым, хто захацеў пісаць скаргі, мы дапамагалі іх скласьці».
Больш за 100 скаргаў ужо разгледжаныя.
Тым часам зарэгістраваныя кандыдаты ў дэпутаты пачалі агітацыю. Ім даецца магчымасьць адзін раз бясплатна выступіць па мясцовым радыё.
Мясцовыя выбары пройдуць 23 сакавіка.
