На Ўкраіну насоўваецца арктычная хваля: тэмпэратура ў Кіеве будзе да мінус 25, па Ўкраіне месцамі да мінус 33.
Партыя «Свабода» апратэстуе закон пра амністыю
Такую заяву зрабіў дэпутат фракцыі «Свабода» ў Вярхоўнай радзе Ігар Швайка. Пратэст на прыняцьце закона будзе пададзены сёньня.
«Калі парушаная працэдура прыняцьця законапраекта, можна падаць пастанову аб адмене закона і вярнуцца да разгляду па-сутнасьці», — цытуе Ігара Швайку РІА «Новости».
Учора Вярхоўная Рада прагаласавала за закон аб амністыі, які прадугледжвае вызваленьне мітынгоўшчыкамі адміністратыўных будынкаў і аўтадарог. У той жа час будуць амніставаныя ўсе, хто прыцягваецца да адказнасьці за ўдзел у масавых пратэстах.
Украінская апазыцыя не зьбіраецца выконваць прыняты Вярхоўнай Радай ўвечары ў сераду закон аб амністыі, якія выстаўляе ў якасьці ўмовы амністыі вызваленьне адміністрацыйных будынкаў.
На Эўрамайдане спакойна
На Майдане Незалежнасьці ў Кіеве абстаноўка спакойная, людзі рухаюцца ў сваіх справах, грэюцца ля бочак з агнём і ў намётах, дзе паляцца буржуйкі.
Барыкады на вуліцы Грушэўскага ў дымцы. Там таксама спакойна.
Расея ізноў распачала гандлёвую вайну з Украінай
Пра татальную праверку ўкраінскай прадукцыі на ўнутраных мытных пунктах паведаміла прэсавы сакратар Луганскай рэгіянальнай гандлёва-прамысловай палаты Ксенія Дзёміна.
Пра татальную праверку ўкраінскай прадукцыі на ўнутраных мытных пунктах паведаміла прэсавы сакратар Луганскай рэгіянальнай гандлёва-прамысловай палаты Ксенія Дзёміна.
Адміністрацыя прэзыдэнта ЗША Барака Абамы рыхтуе фінансавыя санкцыі супраць украінскіх чыноўнікаў, і супраць лідэраў пратэстаў у выпадку, калі палітычны крызыс ва Ўкраіне абвострыцца.
Заходнія дыпляматы наведалі параненых з барыкад
Дыпляматы з краін Эўразвязу, ЗША і Канады наведалі актывістаў, параненых у выніку гвалту апошніх дзён.
Яны наведалі некалькі кіеўскіх шпіталёў, інфармуе дэлегацыя Эўрапейскага зьвязу ва Украіне на сваёй Facebook-старонцы.
У сераду вярхоўны прадстаўнік ЭЗ па замежных справах Кэтрын Эштан сустрэлася з прэзыдэнтам Украіны Віктарам Януковічам. Па выніках гэтай сустрэчы яна заявіла, што перамовы паміж прэзыдэнтам Украіны і лідэрамі апазыцыі «павінны стаць рэальным дыялёгам», каб зьняць «заклапочанасьць, якую людзі на самай справе маюць адносна будучыні» .
Крэмль аднаўляе ціск на Украіну, — Більт
Міністар замежных спраў Швэцыі Карл Більт бачыць прыкметы аднаўленьня эканамічнага ціску Расеі на Ўкраіну. Пра гэта ён напісаў у сваім Twitter.
«Гэта адбываецца праз некалькі дзён пасьля саміту Эўразьвяз — Расея ў Брусэлі», — дадае кіраўнік швэдзкага дыпляматычнага ведамства.
Signs that the Kremlin is once again stepping up economic measures against Ukraine. Comes only days after summit with EU in Brussels.
— Carl Bildt (@carlbildt) 30 января 2014
Януковіч захварэў
Віктар Януковіч знаходзіцца на бальнічным. Пра гэта паведаміў намесьнік кіраўніка Дзяржаўнага кіраўніцтва справамі па мэдыцынскіх пытаньнях Аляксандр Орда, інфармуе прэс-служба прэзыдэнта.
«Прэзыдэнту Ўкраіны адкрыта бальнічны ліст у сувязі з вострым рэсьпіраторным захворваньнем, якое суправаджаецца высокай тэмпэратурай».
Памёр пасьля вадамёта на Грушэўскай
Бізнэсовец Багдан Калыняк, які падчас сутычак на вуліцы Грушэўскага ў Кіеве зарабіў пнэўманію, памёр у абласным шпіталі Івана-Франкоўска.Яму ўчора споўнілася б 53 гады.
Амаль усе два месяцы барацьбы на Эўрамайдане ён правёў у Кіеве, робячы кароткія паўзы паміж паездкамі. У апошні час Багдан амаль бяз сну і адпачынку быў на Майдане: дапамагаў параненым, рабіў «чорную» працу, заставаўся на начныя дзяжурствы. Дадому ён прыехаў хворым і стомленым. А 28 студзеня актывіста з горада Каламыя не стала,— піша кіеўская газэта «Сегодня».
Калыняк меў прыватны бізнэс, займаўся бытавой тэхнікай, меў сваю краму
Адзiн дзень з Майдана
Памёр міліцыянт з Грушэўскага — МУС Украіны
Выканаўца абавязкаў міністра ўнутраных спраў Украіны Віталь Захарчанка заявіў, што раніцай у чацьвер ад праблем з сэрцам памёр капітан Дзьмітрый Данец.
«У 30-гадовага, да таго здаровага, міліцыянта ня вытрымала сэрца, — сказаў ён у відэазвароце. Гэта наступствы таго штодзённага напружаньня і супрацьстаяньня на Грушэўскага, дзе Дзьмітрый нёс службу па ахове грамадзкага парадку».
Адстаўка Захарчанкі зьяўляцца адным з патрабаваньняў пратэстуючых на Майдане Незалежнасьці, вуліцы Грушэўскага і ў іншых рэгіёнах Украіны.
Скасаваньне законаў аб дыктатуры падпісалі
Старшыня Вярхоўнай Рады Ўкраіны Ўладзімер Рыбак падпісаў закон, які адмяняе 9 з 11 законаў, прынятых 16 студзеня. Паведамленьне пра гэта зьявілася на сайце парлямэнта.
Цяпер закон накіраваны на подпіс прэзыдэнту Віктару Януковічу.
На Майдане дазваляюць застацца
Актывісты павінны вызваліць адміністратыўныя будынкі, але на Майдане могуць застацца
З такой заявай выступіў сьпікер Вярхоўнай Рады Ўладзімер Рыбак .
Рыбак падкрэсьлівае, што законам аб амністыі не прадугледжана вызваленьне пратэстуючымі Майдана, паведамляе УНІАН.
Раман Бясьсмертны: Беларусь накрые штормам вецер свабоды з Украіны
«Калі ў Аляксандра Лукашэнкі яшчэ нешта засталося ў галаве, то ён мусіць пайсьці на лібэралізацыю», — заявіў Радыё Свабода Раман Бясьсьмертны, былы надзвычайны і паўнамоцны амбасадар Украіны ў Беларусі (2010–2011), камэндант Майдана пад час Аранжавай рэвалюцыі, віцэ-прэм’ер ураду Юліі Цімашэнкі.
«Калі ў Аляксандра Лукашэнкі яшчэ нешта засталося ў галаве, то ён мусіць пайсьці на лібэралізацыю», — заявіў Радыё Свабода Раман Бясьсьмертны, былы надзвычайны і паўнамоцны амбасадар Украіны ў Беларусі (2010–2011), камэндант Майдана пад час Аранжавай рэвалюцыі, віцэ-прэм’ер ураду Юліі Цімашэнкі.
«Беркут» знайшоў лепшае прымяненьне шчытам