— Натуральна, пакуль рана рабіць нейкія глябальныя высновы. Аднак пэўныя этапы выбарчай кампаніі ўжо прайшлі, і можна прааналізаваць, што яны паказалі. Як улада і апазыцыя ставяцца да гэтай кампаніі, наколькі вялікая актыўнасьць палітычных суб’ектаў?
— Адбыўся фактычна толькі першы этап — фармаваньне акруговых і выбарчых камісіяў. Але пэўныя высновы паводле гэтага этапу ўжо можна зрабіць. Што тычыцца апазыцыі, то яна дэманструе традыцыйную для гэтага этапу актыўнасьць — то бок колькасьць вылучаных прадстаўнікоў апазыцыйных партыяў, вылучаных у камісіі, прыблізна такая ж, як была ў 2010 годзе.
Але з боку ўладаў назіраецца нашмат меншае ўключэньне апазыцыянэраў у камісіі. У разы менш апазыцыянэраў патрапіла ў тэрытарыяльныя і акруговыя камісіі, фактычна гэта адзінкі. То бок цяпер гэта тое самае, як было раней, да 2010 году (на выбарах таго году акенца трошкі адчынілася). А цяпер адбыўся адкат да той мінімальнай прысутнасьці апазыцыі, якая назіралася ў 2006-м ды і на ўсіх выбарах да 2010 году.
— Калі казаць ня толькі пра якасныя парамэтры — якія задачы ставіць перад сабой улада і апазыцыя ў гэтай выбарчай кампаніі? Наколькі сур’ёзна ўлада і апазыцыя ўспрымаюць мясцовыя выбары? Ці для іх гэта мерапрыемства «для галачкі»?
— Відавочна, што ўлады ставяць задачу правесьці выбары ў звыклым ключы, як звычайную адміністратыўную кампанію — ня даць апазыцыі скарыстаць выбары дзеля сваіх мэтаў. Мы цяпер знаходзімся ў прамежкавым этапе — з аднаго боку, сёньня, 16 студзеня, падаюцца апошнія заяўкі на рэгістрацыю ініцыятыўных групаў. Зь іншага боку, некаторыя ініцыятыўныя групы ўжо пачалі збор подпісаў.
Паглядзім, колькі будзе адмоваў у рэгістрацыі ініцыятыўных групаў. Гэта будзе важным сьведчаньнем таго, наколькі апазыцыі ўдасца скарыстаць гэтую кампанію для агітацыйнай працы. Бо шэраг апазыцыйных структураў заяўляюць, што будуць на гэтых выбарах выкарыстоўваць усе магчымасьці для агітацыі, правядзеньня пікетаў і гэтак далей.
— Адбыўся фактычна толькі першы этап — фармаваньне акруговых і выбарчых камісіяў. Але пэўныя высновы паводле гэтага этапу ўжо можна зрабіць. Што тычыцца апазыцыі, то яна дэманструе традыцыйную для гэтага этапу актыўнасьць — то бок колькасьць вылучаных прадстаўнікоў апазыцыйных партыяў, вылучаных у камісіі, прыблізна такая ж, як была ў 2010 годзе.
Але з боку ўладаў назіраецца нашмат меншае ўключэньне апазыцыянэраў у камісіі. У разы менш апазыцыянэраў патрапіла ў тэрытарыяльныя і акруговыя камісіі, фактычна гэта адзінкі. То бок цяпер гэта тое самае, як было раней, да 2010 году (на выбарах таго году акенца трошкі адчынілася). А цяпер адбыўся адкат да той мінімальнай прысутнасьці апазыцыі, якая назіралася ў 2006-м ды і на ўсіх выбарах да 2010 году.
— Калі казаць ня толькі пра якасныя парамэтры — якія задачы ставіць перад сабой улада і апазыцыя ў гэтай выбарчай кампаніі? Наколькі сур’ёзна ўлада і апазыцыя ўспрымаюць мясцовыя выбары? Ці для іх гэта мерапрыемства «для галачкі»?
— Відавочна, што ўлады ставяць задачу правесьці выбары ў звыклым ключы, як звычайную адміністратыўную кампанію — ня даць апазыцыі скарыстаць выбары дзеля сваіх мэтаў. Мы цяпер знаходзімся ў прамежкавым этапе — з аднаго боку, сёньня, 16 студзеня, падаюцца апошнія заяўкі на рэгістрацыю ініцыятыўных групаў. Зь іншага боку, некаторыя ініцыятыўныя групы ўжо пачалі збор подпісаў.
Паглядзім, колькі будзе адмоваў у рэгістрацыі ініцыятыўных групаў. Гэта будзе важным сьведчаньнем таго, наколькі апазыцыі ўдасца скарыстаць гэтую кампанію для агітацыйнай працы. Бо шэраг апазыцыйных структураў заяўляюць, што будуць на гэтых выбарах выкарыстоўваць усе магчымасьці для агітацыі, правядзеньня пікетаў і гэтак далей.
