Спэцназ прарваў і разабраў барыкады ля Майдану, выціснуў людзей у бок сцэны. Шмат параненых і затрыманых. Часткова зьнішчылі намётавае мястэчка. Колькасьць удзельнікаў на Майдане цягам ночы павялічылася з 2 тысячаў да 10-15 тыс.
Паведамляюць, што Беркут атакаваў дэпутатаў, якія былі сярод дэманстрантаў
03:0511.12.2013
Сілавікі прарваліся на Майдан Незалежнасьці з боку Украінскага дома, выціскаюць дэманстрантаў. Сілавікі прарвалі чалавечы ланцуг з боку інстытуцкай і рухаюцца ў кірунку сцэны на Майдане Незалежнасьці, выціскаючы людзей.
03:0411.12.2013
"Беркут" заблякаваў Майдан з боку інстытуцкай. Такім чынам людзі ня могуць адысьці ад сцэны ў Дом прафсаюзаў. Сьвятар са сцэны чытае малітву.
03:0211.12.2013
Дэманстранты моляцца. Са сцэны вядучы заклікае Беркут не ўжываць сілы
02:5111.12.2013
Беркут пачаў ламаць барыкады на вуліцы Інстытуцкай побач з Майданам. Вялікая колькасьць Беркуту рухаецца ад Опэрнага тэатру ў бок Кіеўскай рада. Таксама паведамляецца пра групы сілавікоў зь іншых бакоў Майдану.
Людзі сьпяваюць гімн, крычаць «Міліцыя з народам» і «Разам і да канца». Акрамя таго, мітынгоўцы кідаюць у сілавікоў сьнег і льюць ваду.
02:4511.12.2013
Спэцслужбы падагналі аўтазакі
На Михайлівській велика кількість автозаків #ЄВРОМАЙДАН
Сьпявачка Руслана заклікае не паддавацца на правакацыі. Крычыць са сцэны "Мы мірныя людзі!"
02:4011.12.2013
Пачынаецца штурм Кіеўскай гарадзкой адміністрацыі
02:3911.12.2013
На прыступках Кіеўскай гарадзкой адміністрацыі сабралася каля 200 чалавек. На плошчы перад Кіеўрадай сабралася каля 100 чалавек, якія акружылі міліцыю. Судовы выканаўца Ларыса Сабодаш зачытвае пастанову Пячэрскага райсуду аб прыняцьці захадаў па справе аб блякаваньні тратуараў, дарог, шляхам разьмяшчэньня на іх розных прадметаў.
02:3811.12.2013
З усіх бакоў на Майдан накіроўваюцца сілавікі. Станцыі мэтро «Хрэшчатык» і «Майдан Незалежнасьці» ў чарговы раз (!) зачыненыя.
Cілавікі зьбіраюцца прарваць барыкаду з боку Міхайлоўскай. Пра гэта паведаміў дэпутат Андрэй Шаўчэнка, які прысутнічаў на месцы. "Асноўная частка сіл цяпер там. Дэпутаты спрабуюць стрымаць міліцыю. Іх (сілавікоў) проста цемра", - сказаў Шаўчэнка ў інтэрвію Украінскай Праўдзе.
02:3211.12.2013
Сілавікі рыхтуюцца да штурму будынка Кіеўскай гарадзкой адміністрацыі
