14 лістапада суд Чыгуначнага раёну прызнаў партыйнага актывіста вінаватым у непадпарадкаваньні памежнікам пры выкананьні імі службовых абавязкаў і пакараў партыйца адміністрацыйным штрафам у памеры 20 базавых велічыняў, што адпавядае 2 мільёнам рублёў.
Інцыдэнт на памежным пункце пропуску здарыўся акурат месяц таму, калі Ўладзімер Сякерка вяртаўся з Украіны дамоў цягніком Чарнігаў-Гомель. Начальніца зьмены памежнікаў, старшы лейтэнант Алеся Цыганкова запатрабавала, каб Сякерка пакінуў цягнік і кіраваўся ў службовае памяшканьне.
Уладзімер распавёў у судзе, што не адразу пакінуў цягнік. Прасіў напачатку патлумачыць прычыну высадкі, як таго патрабуе актыкул 17 Закону «Аб органах памежнай службы». Памежніца заявіла, што «для разьбіраньне». Зь якой нагоды — не патлумачыла. Актывіст патрабаваў тлумачэньняў. І толькі калі на свой чарговы запыт Сякерка пачуў, што ёсьць пытаньні да ягонага пашпарта і што яго высадзяць гвалтам, ён пакінуў вагон.
Сякерка: «Мне сказалі, што ў мяне непарадак нейкі з пашпартам. Але гэта была адкрытая мана, як потым высьветлілася. Я знаходжуся ў нейкіх там сьпісах, і трэба было мытнікам правесьці мне асабісты дагляд. Мяне адразу ж здалі мытнікам, і тыя прыступілі, скажам так, да выкананьня сваіх абавязкаў».
З прычыны інцыдэнту цягнік быў затрыманы на 20 хвілінаў. Нічога крамольнага актывіст ня вёз. У акце затрымкі цягніка, падпісаным памежнікамі й чыгуначнікамі, указана: «высадка грамадзяніна Рэспублікі Беларусь, які праходзіць па сьпісе базы дадзеных».
Прадстаўнік Гомельскай памежнага атраду ня змог сказаць у судзе, ці была патлумачана Сякерку прычына ягонай высадкі зь цягніка. Нічога ён не сказаў і пра сьпісы. Заявіў толькі, што ягоныя калегі належным чынам выконвалі свае службовыя абавязкі.
Пра сьпісы, аднак, згадала ў сваім рапарце старшы лейтэнант Цыганкова. Напісала, што Ўладзімер Сякерка быў затрыманы як грамадзянін, які «праходзіць па сьпісах даручэньняў праваахоўных органаў».
Сякерка: «Я ня ведаю, у якіх сьпісах знаходзіцца маё прозьвішча. З-за гэтага мытная служба й правяла асабісты дагляд. Я ставіў гэтае пытаньне і перад мытнай, і перад памежнай службай. Нейкага ўцямнага адказу не атрымаў і зараз вымушаны буду папрасіць пракурора разабрацца, хто складае гэтыя сьпісы і на якой падставе. І,галоўнае, як выйсьці з гэтых сьпісаў».
Спадар Сякерка згадвае таксама, што падобныя інцыдэнты з партыйнымі й грамадзкімі актывістамі на мяжы здараюцца, як правіла, напярэдадні нейкіх значных палітычных кампаній. Гэтым разам — перад парлямэнцкімі выбарамі. Яго асабіста затрымлівалі яшчэ і ў верасьні на памежнай станцыі Гудагай, калі ён вяртаўся ў Беларусь зь Вільні.
Сякерка: «Такія праблемы ўзьнікаюць пэрыядычна, і зьвязаны яны найчасьцей з нейкімі палітычнымі кампаніямі і акцыямі. Я думаю, гэтым разам затрыманьне й дагляд зьвязаны з парлямэнцкімі выбарамі. Таму й адбываюцца такія інцыдэнты».
Дарэчы, тры дні таму Ўладзімер Сякерка таксама езьдзіў ва Ўкраіну. Ніякіх заўваг да ягонага пашпарта на гэты раз не было.
Інцыдэнт на памежным пункце пропуску здарыўся акурат месяц таму, калі Ўладзімер Сякерка вяртаўся з Украіны дамоў цягніком Чарнігаў-Гомель. Начальніца зьмены памежнікаў, старшы лейтэнант Алеся Цыганкова запатрабавала, каб Сякерка пакінуў цягнік і кіраваўся ў службовае памяшканьне.
Уладзімер распавёў у судзе, што не адразу пакінуў цягнік. Прасіў напачатку патлумачыць прычыну высадкі, як таго патрабуе актыкул 17 Закону «Аб органах памежнай службы». Памежніца заявіла, што «для разьбіраньне». Зь якой нагоды — не патлумачыла. Актывіст патрабаваў тлумачэньняў. І толькі калі на свой чарговы запыт Сякерка пачуў, што ёсьць пытаньні да ягонага пашпарта і што яго высадзяць гвалтам, ён пакінуў вагон.
Сякерка: «Мне сказалі, што ў мяне непарадак нейкі з пашпартам. Але гэта была адкрытая мана, як потым высьветлілася. Я знаходжуся ў нейкіх там сьпісах, і трэба было мытнікам правесьці мне асабісты дагляд. Мяне адразу ж здалі мытнікам, і тыя прыступілі, скажам так, да выкананьня сваіх абавязкаў».
З прычыны інцыдэнту цягнік быў затрыманы на 20 хвілінаў. Нічога крамольнага актывіст ня вёз. У акце затрымкі цягніка, падпісаным памежнікамі й чыгуначнікамі, указана: «высадка грамадзяніна Рэспублікі Беларусь, які праходзіць па сьпісе базы дадзеных».
Прадстаўнік Гомельскай памежнага атраду ня змог сказаць у судзе, ці была патлумачана Сякерку прычына ягонай высадкі зь цягніка. Нічога ён не сказаў і пра сьпісы. Заявіў толькі, што ягоныя калегі належным чынам выконвалі свае службовыя абавязкі.
Пра сьпісы, аднак, згадала ў сваім рапарце старшы лейтэнант Цыганкова. Напісала, што Ўладзімер Сякерка быў затрыманы як грамадзянін, які «праходзіць па сьпісах даручэньняў праваахоўных органаў».
Сякерка: «Я ня ведаю, у якіх сьпісах знаходзіцца маё прозьвішча. З-за гэтага мытная служба й правяла асабісты дагляд. Я ставіў гэтае пытаньне і перад мытнай, і перад памежнай службай. Нейкага ўцямнага адказу не атрымаў і зараз вымушаны буду папрасіць пракурора разабрацца, хто складае гэтыя сьпісы і на якой падставе. І,галоўнае, як выйсьці з гэтых сьпісаў».
Спадар Сякерка згадвае таксама, што падобныя інцыдэнты з партыйнымі й грамадзкімі актывістамі на мяжы здараюцца, як правіла, напярэдадні нейкіх значных палітычных кампаній. Гэтым разам — перад парлямэнцкімі выбарамі. Яго асабіста затрымлівалі яшчэ і ў верасьні на памежнай станцыі Гудагай, калі ён вяртаўся ў Беларусь зь Вільні.
Сякерка: «Такія праблемы ўзьнікаюць пэрыядычна, і зьвязаны яны найчасьцей з нейкімі палітычнымі кампаніямі і акцыямі. Я думаю, гэтым разам затрыманьне й дагляд зьвязаны з парлямэнцкімі выбарамі. Таму й адбываюцца такія інцыдэнты».
Дарэчы, тры дні таму Ўладзімер Сякерка таксама езьдзіў ва Ўкраіну. Ніякіх заўваг да ягонага пашпарта на гэты раз не было.
