На гэтыя ды іншыя пытаньні адказвае палітычны аглядальнік газэты «Беларусы і рынак» Паўлюк Быкоўскі.
Цыганкоў: «Ці можна сёньняшнія выказваньні Лукашэнкі інтэрпрэтаваць такім чынам, што паміж Менскам і Эўропай дасягнутае пэўнае пагадненьне, якое, безумоўна, ня будзе агучана, але пра якое можна здагадвацца — амбасадары вернуцца ў Менск, а ўлады выпусьцяць палітзьняволеных — прынамсі тых, якія падпісалі прашэньне?
Быкоўскі: «Наяўнасьць такой дамовы абвергнуць немагчыма, але і пацьвердзіць немагчыма. Праўдападобна, што сапраўды ёсьць нейкае дасягненьне таемнай дыпляматыі, у выніку якога Аляксандар Лукашэнка „захавае твар“. Калі беларускі прэзыдэнт зробіць тое, пра што ён сёньня казаў, гэта дазволіць сытуацыі выйсьці з тупіку, і ў адносінах Беларусі з Захадам можна будзе чакаць нейкага паляпшэньня».
Цыганкоў: «Лукашэнка таксама выказаўся ў тым сэнсе, што ён ня мае намеру перагружаць Расею сваімі праблемамі ў адносінах з Захадам. Маўляў, Расея не зьбіраецца з-за Беларусі ваяваць з Захадам. Ці можна з гэтых словаў прыпусьціць, што менавіта з Расеі была дадзеная парада не разьвіваць канфлікт з Захадам?»
Быкоўскі: «Праўдападобна, што, сапраўды, расейскі бок выказаў такое пажаданьне. Але гэта зноў-такі толькі нашыя прыпушчэньні, няма ніякіх доказаў гэтаму. Але цалкам магчыма, што Лукашэнка не атрымаў дапамогі ад Расеі ў сваім канфлікце з Захадам, і менавіта таму быў вымушаны цяпер адкруціць назад. Цяпер ён выказваецца такім чынам, каб захаваць твар».
Цыганкоў: «Лукашэнка таксама заявіў: „Мы ня супраць вяртаньня эўрапейскіх абмасадараў, але будзем разглядаць кожнага амбасадара пэрсанальна, што да яго вяртаньня“. Выглядае, што гэтая заява зробленая выключна для „ўнутранага спажываньня“, а на самой справе ў Менск вернуцца ўсе эўрапейскія амбасадары, ці ня так?»
Быкоўскі: «Не абавязкова ўсе амбасадары вернуцца. У адносінах Менску з эўрапейскімі краінамі шмат заблытанага. Напрыклад, чэскае пасольства дастаткова доўга было прадстаўлена на ўзроўні часовага паверанага, і толькі нядаўна зьявіўся пасол. Так што могуць быць розныя падыходы да амбасадараў з боку Менску.
Ці гэтая заява праявіцца толькі на ўзроўні рыторыкі, ці мы сапраўды ўбачым, што ня ўсе паслы вернуцца — зараз немагчыма сказаць. Але я хачу зьвярнуць увагу, што падчас даўняга канфлікту вакол рэзыдэнцыі ў Драздах таксама рыторыка, накіраваная на беларускую публіку, вельмі моцна адрозьнівалася ад слоў, накіраваных заходнім партнэрам».
Цыганкоў: «Ці можна сёньняшнія выказваньні Лукашэнкі інтэрпрэтаваць такім чынам, што паміж Менскам і Эўропай дасягнутае пэўнае пагадненьне, якое, безумоўна, ня будзе агучана, але пра якое можна здагадвацца — амбасадары вернуцца ў Менск, а ўлады выпусьцяць палітзьняволеных — прынамсі тых, якія падпісалі прашэньне?
Быкоўскі: «Наяўнасьць такой дамовы абвергнуць немагчыма, але і пацьвердзіць немагчыма. Праўдападобна, што сапраўды ёсьць нейкае дасягненьне таемнай дыпляматыі, у выніку якога Аляксандар Лукашэнка „захавае твар“. Калі беларускі прэзыдэнт зробіць тое, пра што ён сёньня казаў, гэта дазволіць сытуацыі выйсьці з тупіку, і ў адносінах Беларусі з Захадам можна будзе чакаць нейкага паляпшэньня».
Цыганкоў: «Лукашэнка таксама выказаўся ў тым сэнсе, што ён ня мае намеру перагружаць Расею сваімі праблемамі ў адносінах з Захадам. Маўляў, Расея не зьбіраецца з-за Беларусі ваяваць з Захадам. Ці можна з гэтых словаў прыпусьціць, што менавіта з Расеі была дадзеная парада не разьвіваць канфлікт з Захадам?»
Быкоўскі: «Праўдападобна, што, сапраўды, расейскі бок выказаў такое пажаданьне. Але гэта зноў-такі толькі нашыя прыпушчэньні, няма ніякіх доказаў гэтаму. Але цалкам магчыма, што Лукашэнка не атрымаў дапамогі ад Расеі ў сваім канфлікце з Захадам, і менавіта таму быў вымушаны цяпер адкруціць назад. Цяпер ён выказваецца такім чынам, каб захаваць твар».
Цыганкоў: «Лукашэнка таксама заявіў: „Мы ня супраць вяртаньня эўрапейскіх абмасадараў, але будзем разглядаць кожнага амбасадара пэрсанальна, што да яго вяртаньня“. Выглядае, што гэтая заява зробленая выключна для „ўнутранага спажываньня“, а на самой справе ў Менск вернуцца ўсе эўрапейскія амбасадары, ці ня так?»
Быкоўскі: «Не абавязкова ўсе амбасадары вернуцца. У адносінах Менску з эўрапейскімі краінамі шмат заблытанага. Напрыклад, чэскае пасольства дастаткова доўга было прадстаўлена на ўзроўні часовага паверанага, і толькі нядаўна зьявіўся пасол. Так што могуць быць розныя падыходы да амбасадараў з боку Менску.
Ці гэтая заява праявіцца толькі на ўзроўні рыторыкі, ці мы сапраўды ўбачым, што ня ўсе паслы вернуцца — зараз немагчыма сказаць. Але я хачу зьвярнуць увагу, што падчас даўняга канфлікту вакол рэзыдэнцыі ў Драздах таксама рыторыка, накіраваная на беларускую публіку, вельмі моцна адрозьнівалася ад слоў, накіраваных заходнім партнэрам».
