Натальля Бокун: «Гэта было цалкам незаконна, ды яшчэ й бесчалавечна. Яны ўварваліся ў дом праз вокны дзіцячага пакою, калі там гулялі малыя дзеці. Усяго было 9 дзяцей. Чатырохгадовы Язэп ад страху нават абсікаўся. Потым дзеці сядзелі па кутках, затуліўшы рукамі вочы. А Язэп спытаўся ў мяне: «Яны нас заб’юць?»
Карэспандэнт: Яны хоць папрасілі прабачэньня, калі сыходзілі?
«Адзін міліцыянт, я чула, казаў дзецям, каб прабачылі. Але гэта, відаць, асабіста ад сябе».
Пра афіцыйныя прабачэньні на адрас сям’і Бокунаў, у чыё жытло ўварваліся міліцыянты, пакуль невядома. Службовы тэлефон прэсавага сакратара міліцыі Маскоўскага раёну Менску, супрацоўнікі якога ўварваліся ў дом сям’і Бокунаў, не адказвае. Маўчаць і тэлефоны прэсавай службы гарадзкой міліцыі.
8 лютага ў прыватным доме сям’і Бокунаў на 3-м Загарадным завулку ў Менску адбывалася рэгулярнае паседжаньне «Ліцьвінскага клюбу» — нефармальнага аб’яднаньня вернікаў і аматараў гісторыі. Пасьля 8-й гадзіны вечара ў дом уварваліся міліцыянты нібыта паводле сыгналу пра тое, што ў доме вырабляюць наркотыкі. Болей за 30 чалавек былі дастаўленыя ў Маскоўскі РАУС і позна ўвечары адпушчаныя без складаньня пратаколаў.
Працяг тэмы — пазьней на сайце «Свабоды».
Карэспандэнт: Яны хоць папрасілі прабачэньня, калі сыходзілі?
«Адзін міліцыянт, я чула, казаў дзецям, каб прабачылі. Але гэта, відаць, асабіста ад сябе».
Пра афіцыйныя прабачэньні на адрас сям’і Бокунаў, у чыё жытло ўварваліся міліцыянты, пакуль невядома. Службовы тэлефон прэсавага сакратара міліцыі Маскоўскага раёну Менску, супрацоўнікі якога ўварваліся ў дом сям’і Бокунаў, не адказвае. Маўчаць і тэлефоны прэсавай службы гарадзкой міліцыі.
8 лютага ў прыватным доме сям’і Бокунаў на 3-м Загарадным завулку ў Менску адбывалася рэгулярнае паседжаньне «Ліцьвінскага клюбу» — нефармальнага аб’яднаньня вернікаў і аматараў гісторыі. Пасьля 8-й гадзіны вечара ў дом уварваліся міліцыянты нібыта паводле сыгналу пра тое, што ў доме вырабляюць наркотыкі. Болей за 30 чалавек былі дастаўленыя ў Маскоўскі РАУС і позна ўвечары адпушчаныя без складаньня пратаколаў.
Працяг тэмы — пазьней на сайце «Свабоды».
