«Тата, нас заб'юць?»

Увечары 8 лютага ў прыватным доме сям’і Бокунаў на 3-м Загарадным завулку ў Менску адбывалася рэгулярнае паседжаньне «Ліцьвінскага клюбу» — нефармальнага аб’яднаньня вернікаў і аматараў гісторыі. Пасьля 8-й гадзіны вечара ў дом праз выбітыя вокны ўварваліся міліцыянты ў масках нібыта паводле сыгналу пра тое, што ў доме вырабляюць наркотыкі. Болей за 30 чалавек былі дастаўленыя ў Маскоўскі РАУС і позна ўвечары адпушчаныя без складаньня пратаколаў.