Традыцыйна прыканцы году Беларускі ПЭН-цэнтар назваў імёны ляўрэатаў прэмій імя Алеся Адамовіча і Францішка Багушэвіча.
Cёлета імі сталі чатыры творцы — па два на кожную прэмію.
Прэміяй Алеся Адамовіча ўганараваныя журналіст і публіцыст Аляксандар Тамковіч — за кнігу-інтэрвію зь вядомымі беларусамі «Без палітыкі», а таксама Мікалай Мельнікаў — стваральнік музэю Васіля Быкава ў Горадні.
Ляўрэаткай прэмія Багушэвіча стала паэтка, эсэістка Людміла Ўрублеўская за раман «Сутарэньні Ромула», другая частка ўзнагароды ўручаная Зьмітру Санько — стваральніку і галоўнаму рэдактару кніжнай сэрыі «Нашы славутыя землякі».
