«Я захапляюся Мікалаем Аўтуховічам за яго мужнасьць у барацьбе за дэмакратыю і правы чалавека ў апошняй дыктатуры Эўропы, — адзначыў Марк Кірк. — Яго апошняя галадоўка — сьведчаньне яго рашучасьці і яго адданасьці сваёй краіне. Я вельмі занепакоены паведамленьнямі адносна таго, што Мікалай нядаўна спрабаваў зьвесьці рахункі з жыцьцём у сувязі з тым ціскам, які чыніцца супраць яго. Я заклікаю беларускія ўлады неадкладна вызваліць Мікалая і ўсіх барацьбітоў за дэмакратыю і правы чалавека, якія былі кінутыя ў турмы лукашэнкаўскім рэжымам»
Спонсарская праграма для палітзьняволеных у Беларусі была створана сёлета нямецка-швайцарскай арганізацыяй «Libereco — Partnership for Human Rights». Яе мэта — каб кожны палітзьняволены ў Беларусі і яго сям’я атрымалі маральную ды палітычную падтрымку з боку заходніх парлямэнтарыяў. Сутнасьць такога падыходу ў тым, каб сачыць за праблемамі «падшэфнага» палітвязьня, падтрымліваць, у тым ліку, і матэрыяльна, ягоную сям’ю, распаўсюджваць інфармацыю пра гэтага ды іншых палітзьняволеных у Беларусі з мэтай іх вызваленьня. Сэнатар Марк Кірк стаў першым амэрыканскім палітыкам, які падключыўся да гэтага праекту.
Спонсарская праграма для палітзьняволеных у Беларусі была створана сёлета нямецка-швайцарскай арганізацыяй «Libereco — Partnership for Human Rights». Яе мэта — каб кожны палітзьняволены ў Беларусі і яго сям’я атрымалі маральную ды палітычную падтрымку з боку заходніх парлямэнтарыяў. Сутнасьць такога падыходу ў тым, каб сачыць за праблемамі «падшэфнага» палітвязьня, падтрымліваць, у тым ліку, і матэрыяльна, ягоную сям’ю, распаўсюджваць інфармацыю пра гэтага ды іншых палітзьняволеных у Беларусі з мэтай іх вызваленьня. Сэнатар Марк Кірк стаў першым амэрыканскім палітыкам, які падключыўся да гэтага праекту.
