Сёньня ў польскім Уроцлаве пачаў працу другі штогадовы Глябальны форум, на якім каля 200 уплывовых эўрапейскіх і амэрыканскіх палітыкаў і інтэлектуалаў абмяркоўваюць адказы на самыя вострыя выклікі нашага часу.
Трансатлянтычныя адносіны і Ўсходняе партнэрства, роля Цэнтральнай Эўропы ў сусьветнай эканоміцы і энэргетычная палітыка, будучыня Беларусі і пострэвалюцыйных краін паўночнай Афрыкі – асноўныя тэмы дыскусіяў на форуме. Вельмі важная для гаспадароў тэма – польскае старшыняваньне ў Эўразьвязе, якое пачынаецца 1 ліпеня сёлета.
Працу форуму асьвятляе аглядальнік Свабоды Юры Дракахруст.
Соўсь: Юры, ў чым асаблівасьць гэтага форуму, чым ён адрозьніваўся ад шматлікіх іншых канфэрэнцый падобнага кшталту?
Дракахруст: Найперш кідаецца ў вочы высокае прадстаўніцтва на форуме. Прэзыдэнт і міністар замежных спраў Польшчы, прэм'ер-міністар Малдовы, былы кандыдат у прэзыдэнты ЗША. Я зьвярнуў увагу на асаблівасьць – амаль не было прадстаўнікоў Заходняй Эўропы. Форум сымбалізаваў транслатлянтычныя сувязі ЗША і новай Эўропы, прычым ня толькі краін Эўразьвязу, але і іх суседзяў – Малдовы і Украіны.
Соўсь: Вы сказалі пра высокі ўзровень прадстаўніцтва на форуме. Што галоўнае вы адзначылі б у выступах прэзыдэнта Камароўскага і міністра замежных справаў Сікорскага?
Дракахруст: Прэзыдэнт Камароўскі зазначыў, што Польшча адчувае сябе адказнай за падтрымку дэмакратыі ў Беларусі. Сярод іншага ён сказаў:
«Вызначаючы новыя мэты і задачы, мы не павінны забываць пра старыя мэты і задачы, дапамагаючы краінам Паўночнай Афрыкі, не забываць пра ўсход Эўропы.
У якасьці падзякі за нашы посьпехі, мы адчуваем адказнасьць за падтрымку працэсаў дэмакратызацыі, заахвочваньне дэмакратычных сілаў у Беларусі. У гэтай краіне назіраецца рэгрэс. Беларусь зьяўляецца вялікай праблемай для ўсіх людзей, якія думаюць аб свабодзе і дэмакратыі”.
Міністар Сікорскі сказаў, што прасоўваньне дэмакратыі – адна з галоўных мэтаў польскага старшынёўства ў ЭЗ. Створаны фонд падтрымкі дэмакратыі (100 млн. Эўра) у тых краінах у якіх яна падаўляецца. Ажыцьцяўляецца наўпроставая дапамога, без пасярэдніцтва польскіх партнэрскіх арганізацый.
Соўсь: Як ішла дыскусія на беларускай панэлі?
Дракахруст: Старшыня дэлегацыі Эўрапарлямэнту па сувязях з Беларусьсю Яцэк Пратасевіч заявіў, што адна з мэтаў польскага старшыняваньня ў ЭЗ – дамагчыся эканамічных санкцый супраць рэжыму Лукашэнкі, пераканаць прадстаўнікоў тых краінаў, якія выступаюць супраць: Італія, Літва, Латвія, Кіпр
Былы намеснік старшыні Эўрапарлямэнту. Януш Анышкевіч выказаў задавальненьне тым, што супраць Беларусі не ўвялі эканамічных санкцыяў. Тым самы, паводле яго, не далі магчымасьці беларускай уладзе ўскласьці віну за эканамічны і валютны крызіс на Эўропу, на санкцыі.
Станіслаў Шушкевіч выступіў вельмі жорстка і заклікаў да жорсткіх захадаў Эўропы адносна Беларусі. Гісторыя апошніх гадоў, сказаў ён – “гісторыя здрады Эўропы яе прынцыпам”.
Аляксандар Мілінкевіч зазначыў, што санкцыі паставяць пад пагрозу незалежнасьць, прывядуць да зьмяншэньня праэўрапейскіх настрояў, зьнізяць аўтарытэт апазыцыі
Трансатлянтычныя адносіны і Ўсходняе партнэрства, роля Цэнтральнай Эўропы ў сусьветнай эканоміцы і энэргетычная палітыка, будучыня Беларусі і пострэвалюцыйных краін паўночнай Афрыкі – асноўныя тэмы дыскусіяў на форуме. Вельмі важная для гаспадароў тэма – польскае старшыняваньне ў Эўразьвязе, якое пачынаецца 1 ліпеня сёлета.
Працу форуму асьвятляе аглядальнік Свабоды Юры Дракахруст.
Соўсь: Юры, ў чым асаблівасьць гэтага форуму, чым ён адрозьніваўся ад шматлікіх іншых канфэрэнцый падобнага кшталту?
Дракахруст: Найперш кідаецца ў вочы высокае прадстаўніцтва на форуме. Прэзыдэнт і міністар замежных спраў Польшчы, прэм'ер-міністар Малдовы, былы кандыдат у прэзыдэнты ЗША. Я зьвярнуў увагу на асаблівасьць – амаль не было прадстаўнікоў Заходняй Эўропы. Форум сымбалізаваў транслатлянтычныя сувязі ЗША і новай Эўропы, прычым ня толькі краін Эўразьвязу, але і іх суседзяў – Малдовы і Украіны.
Соўсь: Вы сказалі пра высокі ўзровень прадстаўніцтва на форуме. Што галоўнае вы адзначылі б у выступах прэзыдэнта Камароўскага і міністра замежных справаў Сікорскага?
Дракахруст: Прэзыдэнт Камароўскі зазначыў, што Польшча адчувае сябе адказнай за падтрымку дэмакратыі ў Беларусі. Сярод іншага ён сказаў:
«Вызначаючы новыя мэты і задачы, мы не павінны забываць пра старыя мэты і задачы, дапамагаючы краінам Паўночнай Афрыкі, не забываць пра ўсход Эўропы.
У якасьці падзякі за нашы посьпехі, мы адчуваем адказнасьць за падтрымку працэсаў дэмакратызацыі, заахвочваньне дэмакратычных сілаў у Беларусі. У гэтай краіне назіраецца рэгрэс. Беларусь зьяўляецца вялікай праблемай для ўсіх людзей, якія думаюць аб свабодзе і дэмакратыі”.
Міністар Сікорскі сказаў, што прасоўваньне дэмакратыі – адна з галоўных мэтаў польскага старшынёўства ў ЭЗ. Створаны фонд падтрымкі дэмакратыі (100 млн. Эўра) у тых краінах у якіх яна падаўляецца. Ажыцьцяўляецца наўпроставая дапамога, без пасярэдніцтва польскіх партнэрскіх арганізацый.
Соўсь: Як ішла дыскусія на беларускай панэлі?
Дракахруст: Старшыня дэлегацыі Эўрапарлямэнту па сувязях з Беларусьсю Яцэк Пратасевіч заявіў, што адна з мэтаў польскага старшыняваньня ў ЭЗ – дамагчыся эканамічных санкцый супраць рэжыму Лукашэнкі, пераканаць прадстаўнікоў тых краінаў, якія выступаюць супраць: Італія, Літва, Латвія, Кіпр
Былы намеснік старшыні Эўрапарлямэнту. Януш Анышкевіч выказаў задавальненьне тым, што супраць Беларусі не ўвялі эканамічных санкцыяў. Тым самы, паводле яго, не далі магчымасьці беларускай уладзе ўскласьці віну за эканамічны і валютны крызіс на Эўропу, на санкцыі.
Станіслаў Шушкевіч выступіў вельмі жорстка і заклікаў да жорсткіх захадаў Эўропы адносна Беларусі. Гісторыя апошніх гадоў, сказаў ён – “гісторыя здрады Эўропы яе прынцыпам”.
Аляксандар Мілінкевіч зазначыў, што санкцыі паставяць пад пагрозу незалежнасьць, прывядуць да зьмяншэньня праэўрапейскіх настрояў, зьнізяць аўтарытэт апазыцыі
