Экс-кандыдат у прэзыдэнты Беларусі Ўладзімер Някляеў заявіў сёньня, што расейскія палітыкі ня будуць ставіць на яго ў будучыні. "Расея будзе шукаць сабе партнэра ў беларускай намэнклятуры. І гэта, у першую чаргу, рашэньне праблемы 2012 году (парлямэнцкіх выбараў у Беларусі)", -- цытуе Інтэрфакс заяву, зробленую Някляевым на прэсавай канфэрэнцыі ў Менску.
Палітык патлумачыў :"З Лукашэнкам у Расеі ўжо ніхто размаўляць не жадае. Дзе Масква будзе шукаць новых суразмоўцаў? У намэнклятуры! Свае будуць шукаць сярод сваіх. Някляева крамлёўская намэнклятура не падтрымае: хто ён – паэт".
У. Някляеў перакананы, што ўлада сядзе з апазыцыяй за стол перамоваў: "Шаснаццаць гадоў былі грошы, якія дазвалялі сказаць: "я ня буду з апазыцыяй размаўляць". Зараз іх няма", -- лічыць палітык.
"Асноўным палітычным гульцом у сытуацыі, якая зьмянілася, будзе Расея. Нам з Расеяй ня толькі ў эканамічных, але і ў палітычных пытаньнях трэба весьці дыялёг", падкрэсьліў Уладзімер Някляеў.
Ён таксама заявіў, што застаецца ў палітыцы.
"Пакінуць палітыку, пакінуць беларусаў, якія падтрымалі мяне -- значыць здрадзіць. Гэта -- першае. А другое -- мы павінны пабудаваць пры нашым жыцьці новую Беларусь. Тая сыстэма, якая сёньня называецца РБ, абсалютна сябе зжыла, яна сьцяной стаіць на шляху руху наперад, трэба гэтую сьцяну праламаць", -- заявіў У. Някляеў у панядзелак.
Ён прызнаў, што ў сваіх рашэньнях адчувае сябе "закладнікам тых ці іншых учынкаў, дзеяньняў, рашэньняў". "Я прызнаюся, шчыра, я не чакаў, што беларусы акажуць мне такую падтрымку -- рацыянальныя беларусы", -- сказаў ён. Палітык прызнаў, што яго стымуляваў да палітычнай дзейнасьці "рускі сэгмэнт яго "Я", -- дадаў ён.
Палітык паведаміў, што праект пераўтварэньня грамадзянскай кампаніі "Гавары праўду" ў палітычную партыю застаўся ў КДБ Беларусі.
"Якія пэрспэктывы трансфармацыі кампаніі "Гавары праўду" ў палітычную партыю?" -- Мне сьледчы задаваў гэтае пытаньне раз 150. Пэрспэктывы вельмі добрыя, праўда, праект стварэньня палітычнай партыі з кампаніі "Гавары праўду" застаўся ў КДБ. Можа быць, яны там створаць?", -- сказаў Някляеў на прэсавай канфэрэнцыі.
Ён паведаміў, што яго ўдзел ці няўдзел у парлямэнцкіх выбарах залежыць ад вызваленьня палітвязьняў. "Мы, нягледзячы на ўсё, што адбылося, прапануем дыялёг уладзе", -- сказаў ён.
Палітык патлумачыў :"З Лукашэнкам у Расеі ўжо ніхто размаўляць не жадае. Дзе Масква будзе шукаць новых суразмоўцаў? У намэнклятуры! Свае будуць шукаць сярод сваіх. Някляева крамлёўская намэнклятура не падтрымае: хто ён – паэт".
У. Някляеў перакананы, што ўлада сядзе з апазыцыяй за стол перамоваў: "Шаснаццаць гадоў былі грошы, якія дазвалялі сказаць: "я ня буду з апазыцыяй размаўляць". Зараз іх няма", -- лічыць палітык.
"Асноўным палітычным гульцом у сытуацыі, якая зьмянілася, будзе Расея. Нам з Расеяй ня толькі ў эканамічных, але і ў палітычных пытаньнях трэба весьці дыялёг", падкрэсьліў Уладзімер Някляеў.
Ён таксама заявіў, што застаецца ў палітыцы.
"Пакінуць палітыку, пакінуць беларусаў, якія падтрымалі мяне -- значыць здрадзіць. Гэта -- першае. А другое -- мы павінны пабудаваць пры нашым жыцьці новую Беларусь. Тая сыстэма, якая сёньня называецца РБ, абсалютна сябе зжыла, яна сьцяной стаіць на шляху руху наперад, трэба гэтую сьцяну праламаць", -- заявіў У. Някляеў у панядзелак.
Ён прызнаў, што ў сваіх рашэньнях адчувае сябе "закладнікам тых ці іншых учынкаў, дзеяньняў, рашэньняў". "Я прызнаюся, шчыра, я не чакаў, што беларусы акажуць мне такую падтрымку -- рацыянальныя беларусы", -- сказаў ён. Палітык прызнаў, што яго стымуляваў да палітычнай дзейнасьці "рускі сэгмэнт яго "Я", -- дадаў ён.
Палітык паведаміў, што праект пераўтварэньня грамадзянскай кампаніі "Гавары праўду" ў палітычную партыю застаўся ў КДБ Беларусі.
"Якія пэрспэктывы трансфармацыі кампаніі "Гавары праўду" ў палітычную партыю?" -- Мне сьледчы задаваў гэтае пытаньне раз 150. Пэрспэктывы вельмі добрыя, праўда, праект стварэньня палітычнай партыі з кампаніі "Гавары праўду" застаўся ў КДБ. Можа быць, яны там створаць?", -- сказаў Някляеў на прэсавай канфэрэнцыі.
Ён паведаміў, што яго ўдзел ці няўдзел у парлямэнцкіх выбарах залежыць ад вызваленьня палітвязьняў. "Мы, нягледзячы на ўсё, што адбылося, прапануем дыялёг уладзе", -- сказаў ён.
